1 Samuel 3:14

Ang Biblia 2011

Busa ako nanumpa ngadto sa panimalay ni Eli nga ang ilang sala dili mabayran pinaagi sa inihaw o sa halad hangtod sa kahangtoran.”

Cross References

Salmo 51:16

Kay ikaw dili malipay sa halad nga inihaw; kon ako maghalad ug halad nga sunogon dili ikaw mahimuot.

Isaias 22:14

Ang Ginoo sa mga panon mipahayag sa iyang kaugalingon diha sa akong mga igdulungog, “Kamo dili gayod pasayloon niining salaa hangtod nga kamo mangamatay.” nag-ingon ang Ginoong Dios sa mga panon.

Jeremias 15:1

Unya miingon ang Ginoo kanako, “Bisan pa ug si Moises ug si Samuel mitindog sa akong atubangan, ang akong kasingkasing dili gayod molingi niini nga katawhan. Papahawaa sila gikan sa akong panan-aw ug palakta sila!

Jeremias 7:16

“Busa ikaw, ayaw pag-ampo alang niini nga katawhan o magpatugbaw ug pagtuaw o mag-ampo alang kanila, ug ayaw pagpakiluoy kanako alang kanila kay ako dili mamati kanimo.

Ezequiel 24:13

Ang taya niini mao ang hugaw nga pagkalaw-ay. Tungod kay gihinloan ko na unta ikaw ug ikaw wala mahinlo, gikan sa imong pagkahugaw dili na gayod mahinlo pa hangtod nga matagbaw ako sa akong kasuko nganha kanimo.

Levitico 15:31

“Sa ingon niana lainon nimo ang katawhan sa Israel gikan sa ilang pagkahugaw aron sila dili mangamatay sa ilang pagkahugaw sa diha nga ilang hugawan ang akong puluy-anan nga anaa sa taliwala nila.”

1 Samuel 2:25

Kon ang usa ka tawo makasala batok sa laing tawo, ang Dios magpataliwala alang kaniya, apan kon ang usa ka tawo makasala batok sa Ginoo, kinsa may magpataliwala alang kaniya?” Bisan pa niana, sila wala mamati sa tingog sa ilang amahan tungod kay maoy kabubut-on sa Ginoo ang pagpatay kanila.