1 Samuel 3:12

Ang Biblia 2011

Nianang adlawa buhaton nako batok kang Eli ang tanan nga akong gisulti mahitungod sa iyang panimalay, gikan sa sinugdanan hangtod sa kataposan.

Cross References

Ezequiel 21:5

Ug ang tanang katawhan makaila nga ako, ang Ginoo, milanit sa akong espada gikan sa sakoban niini; dili na gayod kini isakob pag-usab.

Zacarias 1:6

Apan ang akong mga pulong ug ang akong mga lagda nga akong gisugo sa akong mga alagad nga mga propeta, wala ba kini makaabot sa inyong katigulangan? Busa sila naghinulsol ug miingon, ‘Ingon nga ang Ginoo sa mga panon naghunahuna sa pagbuhat nganhi kanato sumala sa atong mga batasan ug sumala sa atong mga binuhatan, mao kini ang gibuhat niya kanato.’ ”

Numeros 23:19

Ang Dios dili tawo nga siya mamakak, o anak sa tawo nga siya maghinulsol. Nagsulti ba siya ug dili niya kini buhaton? O nagsulti ba siya ug dili niya kini tumanon?

Lucas 21:33

Ang langit ug ang yuta mahanaw, apan ang akong mga pulong dili gayod mahanaw.

Josue 23:15

Apan ingon nga ang tanang mga maayong butang nga gisaad sa Ginoo nga inyong Dios mahitungod kaninyo midangat kaninyo, ang Ginoo usab magdala diha kaninyo sa tanang daotang mga butang hangtod nga malaglag niya kamo gikan niining maayong yuta nga gihatag kaninyo sa Ginoo nga inyong Dios.

Mga Maghuhukom 4:24

Ug ang kamot sa katawhan sa Israel midugang pa sa pagdaog batok kang Jabin nga hari sa Canaan hangtod nga ilang nalaglag si Jabin nga hari sa Canaan.

1 Samuel 4:11

Ug ang sudlanan sa kasabotan sa Dios nailog ug ang duha ka anak ni Eli nga si Hopni ug si Pinehas gipamatay.

1 Samuel 4:17

Siya nga nagdala sa mga balita mitubag, “Ang Israel nanagan gikan sa atubangan sa mga Filistihanon ug may usa usab ka dako nga pagpamatay taliwala sa katawhan, ug ang imong duha usab ka anak nga si Hopni ug si Pinehas nangamatay ug ang sudlanan sa kasabotan sa Dios nailog.”

1 Samuel 4:21

Ug iyang ginganlan ang bata ug Icabod, nga nag-ingon, “Ang himaya nawala gikan sa Israel,” tungod kay ang sudlanan sa kasabotan sa Dios nailog ug tungod sa iyang ugangan nga lalaki ug sa iyang bana.

1 Samuel 4:22

Siya miingon, “Ang himaya nawala gikan sa Israel tungod kay ang sudlanan sa kasabotan sa Dios nailog.”