1 Samuel 3:1

Ang Biblia 2011

Ang bata nga si Samuel nag-alagad sa Ginoo ubos sa pagdumala ni Eli. Ug ang pulong sa Ginoo talagsa ra niadtong mga adlawa ug dili kanunay ang panan-awon.

Cross References

Salmo 74:9

Wala na namo makita ang among mga ilhanan; wala nay bisan usa ka propeta, ug walay bisan usa kanamo nga nahibalo hangtod kanus-a.

Mga Panultihon 29:18

Diin walay pagpropesiya, ang katawhan nagsalikway sa pagpugong, apan bulahan kadtong nagtuman sa Balaod.

Isaias 13:12

Himoon nako nga ang mga tawo nihit pa kay sa lunsay nga bulawan ug ang katawhan kay sa bulawan sa Ofir.

Ezequiel 7:26

Ang katalagman moabot sunod sa katalagman, ang huhungihong mosunod sa huhungihong; sila mangita ug panan-awon gikan sa propeta; apan ang balaod mawala gikan sa pari, ug ang tambag gikan sa mga kadagkoan.

1 Samuel 2:11

Unya si Elkana mipauli ngadto sa iyang balay sa Rama. Ug ang bata nag-alagad sa Ginoo uban sa pari nga si Eli.

1 Samuel 2:18

Si Samuel nag-alagad sa atubangan sa Ginoo, nagsul-ob siya ug ephod nga lino.

1 Samuel 2:35

Magpabarog ako alang sa akong kaugalingon ug usa ka matinumanon nga pari, nga magbuhat sumala sa anaa sa akong kasingkasing ug hunahuna. Ako magtukod alang kaniya ug usa ka lig-on nga balay, ug siya mosulod ug mogawas sa atubangan sa akong dinihogan hangtod sa kahangtoran.

1 Samuel 2:36

Si bisan kinsa nga mahibilin sa imong panimalay moadto aron mangayo kaniya ug plata o usa ka buok pan ug moingon, “Naghangyo ako kanimo, ibutang ako sa usa sa mga luna sa pari aron ako makakaon ug tipik sa pan.” ’ ”

1 Samuel 3:15

Si Samuel mihigda hangtod sa buntag. Unya giablihan niya ang mga pultahan sa balay sa Ginoo. Si Samuel nahadlok sa pagsugilon kang Eli sa panan-awon.

1 Samuel 3:21

Ang Ginoo mipakita pag-usab didto sa Silo tungod kay siya nagpadayag sa iyang kaugalingon ngadto kang Samuel pinaagi sa pulong sa Ginoo.