1 Samuel 29:3

Ang Biblia 2011

ang mga tigmando sa mga Filistihanon miingon “Unsay gibuhat niining mga Hebreo dinhi?” Ug si Akis miingon sa mga tigmando sa mga Filistihanon, “Dili ba kini si David, ang sulugoon ni Saul nga hari sa Israel, nga uban kanako sulod sa mga adlaw ug mga tuig? Sukad sa iyang pagtipon kanako, wala ako makakita ug sayop diha kaniya hangtod niining adlawa.”

Cross References

Genesis 14:13

Apan dihay usa ka tawo nga nakaikyas nga miadto ug mipahibalo kang Abram nga Hebreo nga nagpuyo sa kakahoyan nga iya ni Mamre nga usa ka Amorihanon, igsoon ni Escol ug ni Aner, ug sila mga kaabin ni Abram.

1 Cronicas 12:19

Pipila sa katawhan sa Manases mitipon kang David sa diha nga siya miadto uban sa mga Filistihanon alang sa pagpakiggubat batok kang Saul. Apan wala siya makatabang kanila kay ang mga pangulo sa mga Filistihanon nagpakitambag, ug gipapahawa siya nga nag-ingon, “Mamiligro kita kay modapig siya sa iyang agalon nga si Saul.”

1 Cronicas 12:20

Sa iyang pag-adto sa Ziklag, kining mga tawo ni Manases mitipon kaniya: si Adna, si Josabad, si Jediael, si Michael, si Josabad, si Elihu ug si Ziletai, mga pangulo sa mga linibo sa Manases.

Daniel 6:5

Unya miingon kining mga tawhana, “Dili kita makakita ug kapasikaran alang sa sumbong batok niining Daniel gawas kon makita nato kini nga may kalabotan sa balaod sa iyang Dios.”

Juan 19:6

Sa pagkakita sa mga pangulong pari ug sa mga tinugyanan kaniya, sila naninggit nga nag-ingon, “Ilansang siya sa krus! Ilansang siya sa krus!” Si Pilato miingon kanila, “Kuhaa ninyo siya ug ilansang sa krus, kay wala akoy nakitang sala diha kaniya.”

Roma 12:17

Ayaw balosi ug daotan ang daotan, buhata hinuon ang maayo sa atubangan sa tanang tawo.

1 Pedro 3:16

Hinuon buhata ninyo kini uban sa kalumo ug pagtahod, ug pagbaton kamo ug hinlo nga tanlag aron nga sa dihang magsulti sila ug daotan kaninyo, maulawan hinuon sila nga nagbugalbugal sa inyong maayong kagawian diha kang Cristo.

1 Samuel 14:11

Busa silang duha nagpadayag sa ilang kaugalingon didto sa mga sundalo nga nagbantay sa kuta sa mga Filistihanon ug ang mga Filistihanon nag-ingon, “Tan-awa, ang mga Hebreo nanggula gikan sa mga lungag diin sila nagtago sa ilang kaugalingon.”

1 Samuel 25:28

Naghangyo ako, pasayloa ang sala sa imong sulugoon nga babaye, kay sa pagkatinuod, ang Ginoo maghimo ug usa ka lig-ong balay alang sa akong agalon tungod kay ang akong agalon nakig-away man diha sa mga gubat sa Ginoo, ug ang daotan dili makaplagan diha kanimo sa tanan nimong mga adlaw.

1 Samuel 27:1

Si David miingon diha sa iyang kasingkasing, “May adlaw ra nga mahanaw ako pinaagi sa kamot ni Saul; wala nay maayo pa alang kanako gawas nga moikyas ako ngadto sa yuta sa mga Filistihanon. Unya si Saul mawad-an ug paglaom sa pagpangita kanako sa sulod sa mga utlanan sa Israel, ug makalingkawas ako gikan sa iyang kamot.”

1 Samuel 27:7

Ang gidaghanon sa mga adlaw nga si David nagpuyo didto sa yuta sa mga Filistihanon, usa ka tuig ug upat ka bulan.

1 Samuel 29:6

Unya gitawag ni Akis si David ug giingnan, “Ingon nga ang Ginoo buhi, ikaw nagmatinud-anon ug alang kanako maayo nga ikaw mogula ug mosulod uban kanako diha sa panon, kay wala ako makakita ug daotan diha kanimo sukad sa adlaw sa imong pag-anhi kanako hangtod niining adlawa. Apan bisan pa niini ang mga pangulo wala mouyon kanimo.

1 Samuel 4:6

Ug sa diha nga ang mga Filistihanon nakadungog sa kagahob sa singgit, sila miingon, “Unsay kahulogan niining lanog nga singgit sa kampo sa mga Hebreo?” Sa dihang nasayod sila nga ang sudlanan sa kasabotan sa Ginoo nahiabot sa kampo,