1 Samuel 28:7

Ang Biblia 2011

Unya si Saul miingon sa iyang mga sulugoon, “Pangitai ako ug usa ka babaye nga tigpakisayod ug mga espiritu aron ako moadto kaniya ug magpakisayod kaniya.” Ug ang iyang mga sulugoon miingon kaniya, “Adunay tigpakisayod ug mga espiritu didto sa Endor.”

Cross References

2 Mga Hari 6:33

Ug samtang nagsulti pa siya uban kanila, tan-awa, miabot ang hari ug siya miingon, “Kining maong kasamok gikan sa Ginoo! Nganong maghulat pa man ako sa Ginoo niining gidugayona?”

1 Cronicas 10:13

Busa si Saul namatay tungod sa iyang pagpakasala. Wala siya magmatinumanon sa Ginoo nga niana wala siya magtuman sa sugo sa Ginoo ug nagpakisayod usab sa usa ka tigkonsulta sa mga espiritu, nagpatambag,

Salmo 83:10

nga nangamatay didto sa Endor, nga nangahimong pundok sa kinalibang alang sa yuta.

Isaias 19:3

ug ang espiritu sa mga Ehiptohanon sa sulod nila mawala, ug akong libogon ang ilang mga laraw; ug sila magpakisayod sa mga diosdios ug sa mga tigsalamangka, ug sa mga tigpakisayod ug mga espiritu, ug sa mga tigpanglamat;

Levitico 19:31

“Ayaw kamo pagdangop sa mga tigpakisayod sa espiritu o sa mga tigsalamangka, ayaw kamo pag-adto kanila, aron mahugawan pinaagi kanila. Ako mao ang Ginoo nga inyong Dios.

Habacuc 2:3

Kay sa gihapon ang panan-awon nagpaabot sa panahon niini; kini nagdali paingon sa kataposan, dili kini mamakak. Kon daw dugay kini, paabota kini; moabot gayod kini, dili kini maglangay.

Mga Buhat 16:16

Unya samtang nagpaingon kami sa dapit nga ampoanan, gikasugat kami sa usa ka babayeng sulugoon nga may espiritu sa pagpanag-an, ug naghatag ug dakong kita sa iyang mga agalon pinaagi sa iyang pagpanag-an.

Deuteronomio 18:11

o lumayan o tigpakisayod sa espiritu o tigpanagna pinaagi sa pagpangutana sa mga patay.

Josue 17:11

Didto sa Isacar usab ug sa Aser, iya ni Manases ang Bet-sean ug ang mga balangay niini ug ang Ibleam ug ang mga balangay niini ug ang mga nagpuyo sa Dor ug ang mga balangay niini, ug ang mga nagpuyo sa En-dor ug ang mga balangay niini, ug ang mga nagpuyo sa Taanak ug ang mga balangay niini, ug ang mga nagpuyo sa Megido ug ang mga balangay niini, ang ikatulo mao ang Nafat.

1 Samuel 28:3

Niadtong higayona, si Samuel patay na ug ang tibuok Israel nagbangotan alang kaniya ug gilubong siya didto sa Rama, didto sa iyang kaugalingong siyudad. Gipapahawa ni Saul ang mga tigpakisayod ug mga espiritu ug ang mga tigsalamangka gikan sa yuta.