1 Samuel 28:6

Ang Biblia 2011

Sa diha nga nagpakisayod si Saul sa Ginoo, ang Ginoo wala motubag kaniya, bisan pinaagi sa mga damgo o pinaagi sa Urim o pinaagi sa mga propeta.

Cross References

2 Samuel 22:42

Nangita sila, apan walay miluwas kanila; nagsangpit sila sa Ginoo, apan wala siya motubang kanila.

Salmo 74:9

Wala na namo makita ang among mga ilhanan; wala nay bisan usa ka propeta, ug walay bisan usa kanamo nga nahibalo hangtod kanus-a.

Exodo 28:20

Ug ang ikaupat nga laray, berilo, onyx ug jaspe. Ilubong kini sa engaste nga bulawan.

Exodo 28:30

Ibutang diha sa tabon sa dughan sa paghukom ang Urim ug ang Tumim ug kini anha sa kasingkasing ni Aaron sa dihang mosulod siya sa atubangan sa Ginoo ug si Aaron magdala kanunay sa paghukom sa katawhan sa Israel diha sa iyang kasingkasing sa atubangan sa Ginoo.

Mga Panultihon 27:1

Ayaw pagpagarbo mahitungod sa ugma, kay ikaw wala mahibalo kon unsay madala sa usa ka adlaw.

Jeremias 23:28

Ang propeta nga adunay damgo pasultiha sa damgo, apan siya nga nagbaton sa akong pulong pasultiha sa akong pulong diha sa pagkamatinud-anon. Unsa bay kalabotan sa dagami ug sa trigo? nag-ingon ang Ginoo.

Mga Pagbangotan 2:9

Ang iyang mga ganghaan nangalusno ngadto sa yuta; iyang gilaglag ug gipamunggo ang mga trangka niini; ang iyang hari ug ang iyang mga pangulo atua sa taliwala sa mga nasod; wala na ang balaod, ug ang iyang mga propeta wala nay panan-awon gikan sa Ginoo.

Joel 2:28

“Unya mahitabo sa ulahi nga ibubo nako ang akong espiritu sa tanang tawo, ang inyong mga anak nga lalaki ug ang inyong mga anak nga babaye magpropesiya, ang inyong mga tigulang magdamgo ug mga damgo, ug ang inyong mga batan-ong lalaki makakita ug mga panan-awon.

Levitico 8:8

Iyang gisul-ob kaniya ang tabon sa dughan ug niini gibutang niya ang Urim ug ang Tumim.

Miqueas 3:7

ang mga tigpanagna biaybiayon, ug ang mga tigpanag-an pakaulawan; silang tanan magtabon sa ilang mga ngabil, kay walay tubag gikan sa Dios.

Numeros 12:6

Ug siya miingon, “Pamatia ninyo ang akong mga pulong: Kon adunay usa ka propeta sa taliwala ninyo, ako, ang Ginoo magpakita kaniya sa usa ka panan-awon, ako makigsulti kaniya pinaagi sa usa ka damgo.

Numeros 27:21

Ug siya mobarog sa atubangan ni Eleasar nga pari nga maoy magpakisayod alang kaniya sa paghukom sa Urim sa atubangan sa Ginoo. Sa iyang pulong manggula sila ug sa iyang pulong manulod sila, siya ug ang tanang katawhan sa Israel uban kaniya, ang tibuok nga katilingban.”

Mateo 1:20

Apan samtang naglaraw siya sa pagbuhat niini, dihay usa ka anghel sa Ginoo nga mitungha kaniya pinaagi sa damgo ug miingon, “Jose, anak ni David, ayaw kahadlok sa pagpangasawa kang Maria kay kanang iyang gisamkon gikan sa Espiritu Santo.

Juan 9:31

Nahibalo kita nga ang Dios dili mamati sa mga makasasala, apan kon ang usa ka tawo mahadlokon sa Dios ug nagtuman sa iyang kabubut-on, ang Dios mamati kaniya.

Deuteronomio 33:8

Ug mahitungod kang Levi siya miingon, “Ihatag kang Levi ang imong Tumim, ug ang imong Urim ngadto sa imong balaan, nga imong gisulayan didto sa Masa, nga imong gikaaway didto sa katubigan sa Meriba.

Santiago 4:3

Nangayo kamo apan wala makadawat niini tungod kay sayop man ang inyong pagpangayo, aron lamang usik-usikan alang sa inyong mga pangibog.

1 Samuel 14:37

Ug si Saul nagpakisayod sa Dios, “Molugsong ba ako sunod sa mga Filistihanon? Itugyan ba nimo sila ngadto sa kamot sa Israel?” Apan wala siya motubag kaniya niadtong adlawa.

1 Samuel 28:15

Si Samuel miingon kang Saul, “Ngano nga imo akong gisamok pinaagi sa pagpatungha kanako?” Ug si Saul mitubag, “Ako naguol sa hilabihan gayod kay ang mga Filistihanon nakiggubat batok kanako, ug ang Dios mibulag gikan kanako ug wala na motubag kanako, bisan pinaagi sa mga propeta o pinaagi sa mga damgo, busa gipatawag nako ikaw aron sultihan ako kon unsay akong buhaton.”

1 Samuel 28:5

Sa diha nga nakita na ni Saul ang kasundalohan sa mga Filistihanon, siya nahadlok, ug ang iyang kasingkasing mikurog sa hilabihan gayod.