1 Samuel 28:20

Ang Biblia 2011

Unya dihadiha natumba si Saul nga nagbuy-od sa yuta, ug nalisang sa hilabihan gayod tungod sa mga pulong ni Samuel ug wala nay kusog nga nahibilin diha kaniya kay wala siya mokaon ug bisan unsa sa tibuok adlaw ug sa tibuok gabii.

Cross References

Job 26:2

“Giunsa nimo pagtabang siya nga walay gahom! Giunsa nimo pagluwas ang bukton nga walay kusog!

1 Samuel 25:37

Sa pagkabuntag, sa diha nga nahuwasan na si Nabal, ang iyang asawa misugilon kaniya niining mga butanga, ug ang iyang kasingkasing namatay sa sulod niya, ug siya nahimong sama sa usa ka bato.

1 Samuel 28:19

Dugang pa niini, ang Ginoo maghatag sa Israel uban usab kanimo ngadto sa kamot sa mga Filistihanon, ug ugma ikaw ug ang imong mga anak nga lalaki motipon kanako. Ang Ginoo magtugyan usab sa panon sa Israel ngadto sa kamot sa mga Filistihanon.”

1 Samuel 28:21

Ug ang babaye miadto kang Saul. Ug sa pagkakita niya nga siya nalisang, siya miingon kaniya, “Ania ang imong sulugoon nga babaye namati sa imong tingog, ug gibutang nako ang akong kinabuhi sa akong kamot ug namati sa imong gisulti kanako.

1 Samuel 28:5

Sa diha nga nakita na ni Saul ang kasundalohan sa mga Filistihanon, siya nahadlok, ug ang iyang kasingkasing mikurog sa hilabihan gayod.