1 Samuel 27:8

Ang Biblia 2011

Si David ug ang iyang mga tawo nanungas, ug gisulong nila ang mga Gesurhanon, ang mga Gersihanon ug ang mga Amalekanhon kay sila mao man ang nagpuyo sa maong yuta sukad pa sa karaang panahon gikan sa Sur hangtod sa utlanan sa Ehipto.

Cross References

2 Samuel 14:23

Busa si Joab mitindog ug miadto sa Gesur, ug gidala si Absalom ngadto sa Jerusalem.

2 Samuel 14:32

Ug si Absalom mitubag kang Joab, “Tan-awa, gipasugoan ko ikaw, ‘Anhi dinhi, aron paadtoon ko ikaw ngadto sa hari aron mangutana, “Nganong mianhi ako gikan sa Gesur? Maayo alang kanako nga didto pa gihapon ako.” Busa karon paadtoa ako sa atubangan sa hari ug kon aduna akoy sala ipapatay ako niya.’ ”

2 Samuel 15:8

Kay ang imong sulugoon misaad ug usa ka panaad samtang nagpuyo pa ako didto sa Gesur sa Aram nga nag-ingon, ‘Kon ang Ginoo sa pagkatinuod magdala kanako pagbalik ngadto sa Jerusalem, mohalad ako ug pagsimba sa Ginoo.’ ”

2 Samuel 3:22

Unya ang mga sulugoon ni David nangabot uban kang Joab gikan nga nanulong, dala ang daghang inilog uban kanila. Apan si Abner wala mahiuban kang David didto sa Hebron kay siya gipalakaw niya ug milakaw siya nga malinawon.

2 Samuel 3:3

Ang iyang ikaduha mao si Chileab, kang Abigail, ang asawa ni Nabal nga taga-Carmel, ug ang ikatulo mao si Absalom nga anak ni Maaca nga anak ni Talmai nga hari sa Gesur.

2 Samuel 8:12

gikan sa Edom, Moab, sa mga Amonihanon, sa mga Filistihanon, sa Amalek, ug sa mga inilog kang Hadadeser nga anak ni Rehob ug hari sa Zoba.

1 Cronicas 2:23

Apan gikuha ni Gesur ug Aram ang Habot-jair, ang Kenat ug ang mga balangay niini, 60 ka lungsod. Kining tanan kaliwat ni Makir nga amahan ni Gilead.

Exodo 15:22

Unya gidala ni Moises ang Israel gikan sa Dagat nga Pula, ug mipadulong sila ngadto sa kamingawan sa Sur. Ug nanglakaw sila ug tulo ka adlaw sa kamingawan ug wala sila makakaplag ug tubig.

Exodo 17:8

Unya miabot ang Amalek ug nakig-away sa Israel didto sa Refidim.

Numeros 13:29

Ang mga Amalekanhon nagpuyo sa yuta sa Negeb, ug ang mga Hitihanon ug ang mga Jebusihanon ug ang mga Amorihanon nagpuyo diha sa kabungtoran, ug ang mga Canaanhon nagpuyo duol sa dagat ug sa daplin sa Jordan.”

Numeros 14:45

Unya ang mga Amalekanhon ug ang mga Canaanhon nga nagpuyo niadtong bukira nanglugsong ug mibuntog kanila ug migukod kanila bisan hangtod sa Horma.

Josue 12:5

ug naghari sa Bukid sa Hermon ug sa Saleka ug sa tibuok nga Basan ngadto sa utlanan sa mga Gesurhanon ug sa mga Maacahanon ug katunga sa Gilead ngadto sa utlanan ni Sihon nga hari sa Hesbon.

Josue 13:13

Apan ang katawhan sa Israel wala maghingilin sa mga Gesurhanon o sa mga Maacahanon, apan si Gesur ug si Maaca nagpuyo sa taliwala sa Israel, hangtod niining adlawa.

Josue 13:2

Mao kini ang yuta nga nahibilin: ang tanang dapit sa mga Filistihanon ug ang tanan nga ila sa mga Gesurhanon,

Josue 16:10

Apan wala nila papahawaa ang mga Canaanhon nga nagpuyo didto sa Geser. Busa ang mga Canaanhon nagpuyo sa taliwala sa Efraim hangtod niining adlawa apan nahimong mga ulipon sa pagbuhat sa mga pinugos nga buluhaton.

Mga Maghuhukom 1:29

Ang Efraim wala mopapahawa sa mga Canaanhon nga nagpuyo sa Geser, hinuon ang mga Canaanhon nagpuyo uban kanila didto sa Geser.

1 Samuel 29:6

Unya gitawag ni Akis si David ug giingnan, “Ingon nga ang Ginoo buhi, ikaw nagmatinud-anon ug alang kanako maayo nga ikaw mogula ug mosulod uban kanako diha sa panon, kay wala ako makakita ug daotan diha kanimo sukad sa adlaw sa imong pag-anhi kanako hangtod niining adlawa. Apan bisan pa niini ang mga pangulo wala mouyon kanimo.

1 Samuel 30:1

Sa diha nga si David ug ang iyang mga tawo miabot sa Ziklag sa ikatulo nga adlaw, ang mga Amalekanhon misulong na sa Negeb ug sa Ziklag. Ilang nailog ang Ziklag ug gisunog kini sa kalayo,