1 Samuel 27:12

Ang Biblia 2011

Ug si Akis misalig kang David nga naghunahuna, “Siya naghimo sa iyang kaugalingon nga dumtan gayod sa katawhan sa Israel, busa siya mahimo nga akong sulugoon sa kanunay.”

Cross References

Genesis 34:30

Unya si Jacob miingon kang Simeon ug kang Levi, “Nagdala kamo ug kagubot kanako sa paghimo kanako nga tawong gidumtan sa mga nagpuyo niining yutaa, ang mga Canaanhon ug ang mga Perisihanon. Diyotay ra ang akong mga tawo ug kon sila magtingob batok kanako ug moasdang, malaglag ako, ako ug ang akong panimalay.”

2 Samuel 10:6

Sa diha nga ang mga Amonihanon nakakita nga sila nahimong dulumtanan kang David, ang mga Amonihanon nagpadala ug nanuhol sa mga Sirianhon sa Bet-rehob ug sa mga Sirianhon sa Zoba, 20 ka libo ka sundalo nga naglakaw, ug sa hari sa Maaca uban ang usa ka libo ka tawo, ug sa mga tawo sa Tob nga napulo ug duha ka libo ka tawo.

Exodo 5:21

Ug ang mga kapatas miingon kanila, “Makita unta sa Ginoo ang inyong gibuhat ug hukman kamo kay gihimo ninyo kami nga dulumtanan sa mga mata sa Paraon ug sa mga mata sa iyang mga sulugoon ug nagbutang ug espada diha sa ilang mga kamot aron sa pagpatay kanamo.”

1 Samuel 13:4

Ang tibuok Israel nakadungog sa giingon nga si Saul nakadaog sa mga sundalo nga nagbantay sa kuta sa mga Filistihanon, ug usab nga ang Israel giila nga dulumtanan sa mga Filistihanon. Ug giawhag ang katawhan sa pagtipon kang Saul didto sa Gilgal.

1 Samuel 27:11

Ug si David walay gibilin bisan lalaki o babaye nga buhi aron dad-on sa Gat kay naghunahuna siya, “Tingali unya ug manugilon sila bahin kanato ug moingon, ‘Mao kini ang gibuhat ni David’ ” Ug kini maoy iyang nabatasan sa tanang panahon nga siya nagpuyo sa yuta sa mga Filistihanon.

1 Samuel 28:1

Niadtong mga adlawa ang mga Filistihanon nagtigom sa ilang mga kasundalohan aron sa pagpakig-away batok sa Israel. Ug si Akis miingon kang David, “Sabta nga ikaw ug ang imong mga tawo mouban kanako sa panggubatan.”