1 Samuel 26:8

Ang Biblia 2011

Unya miingon si Abisai kang David, “Ang Dios nagtugyan sa imong kaaway nganha sa imong kamot niining adlawa, busa karon tugoti ako sa pagduslak kaniya lahos sa yuta sa makausa pinaagi niining bangkaw ug dili ako moduslak kaniya sa makaduha.”

Cross References

2 Samuel 16:9

Unya si Abisai nga anak ni Zeruia miingon ngadto sa hari, “Ngano nga kining patay nga iro nagtunglo sa akong agalon nga hari? Paadtoa ako, ug lunggoon nako ang iyang ulo.”

Salmo 31:8

ug wala nimo ako itugyan ngadto sa kamot sa kaaway; gipahimutang nimo ang akong mga tiil sa lapad nga dapit.

Jeremias 40:15

Unya si Johanan nga anak ni Karea misulti sa hilom kang Gedalias didto sa Mispa, “Tugoti ako sa pag-adto, aron akong patyon si Ismael nga anak ni Netanias ug walay bisan usa nga masayod niini. Ngano nga kuhaon man niya ang imong kinabuhi, aron ang tanang mga Judio nga natigom kanimo magkatibulaag, ug ang salin sa Juda mangawagtang?”

Nahum 1:9

Unsay imong gilaraw batok sa Ginoo? Siya magtapos; siya dili manimalos sa makaduha sa iyang mga kaaway.

Roma 11:32

Kay ang tanang mga tawo gitugyan sa Dios ngadto sa pagkamasupilon aron ang tanan iyang kaluy-an.

Deuteronomio 32:30

Unsaon sa usa ka tawo paggukod sa usa ka libo ug sa duha ka tawo pagpakagiw sa napulo ka libo, gawas kon ang ilang Bato nagbaligya kanila ug ang Ginoo nagtugyan kanila?

Josue 21:44

Ug ang Ginoo mihatag kanila ug pahulay sa tanang bahin sumala sa iyang gipanumpa sa ilang katigulangan. Walay bisan usa sa tanan nilang mga kaaway nga nakasugakod kanila kay ang Ginoo nagtugyan sa ilang mga kaaway ngadto sa ilang mga kamot.

Mga Maghuhukom 1:4

Unya si Juda miadto ug ang Ginoo mitugyan sa mga Canaanhon ug sa mga Perisihanon ngadto sa ilang kamot, ug gibuntog nila ang napulo ka libo kanila didto sa Besek.

1 Samuel 23:14

Ug si David nagpabilin sa mga kuta diha sa kamingawan, sa kabungtoran sa Kamingawan sa Zif. Ug si Saul nangita kaniya matag adlaw, apan ang Dios wala magtugyan kaniya ngadto sa iyang kamot.

1 Samuel 24:4

Ug ang mga tawo ni David miingon kaniya, “Mao kining adlawa ang giingon sa Ginoo kanimo, ‘Tan-awa, akong itugyan ang imong kaaway nganha sa imong kamot ug ikaw magbuhat ngadto kaniya sa unsay maayo alang kanimo.’ ” Unya si David mitindog ug gitabasan sa hilom ang sidsid sa bisti ni Saul.

1 Samuel 24:5

Ug human kini mahitabo, ang kasingkasing ni David daw misakit kaniya tungod kay iyang gitabasan ang sidsid sa bisti ni Saul.

1 Samuel 26:23

Ang Ginoo magganti sa matag tawo tungod sa iyang pagkamatarong ug sa iyang pagkamatinumanon, kay ang Ginoo nagtugyan kanimo nganhi sa akong kamot niining adlawa, ug dili ako mobakyaw sa akong kamot batok sa dinihogan sa Ginoo.

1 Samuel 26:7

Busa sa pagkagabii si David ug si Abisai nangadto sa kasundalohan ug si Saul natulog sulod sa kampo uban sa iyang bangkaw nga giugbok sa yuta dapit sa iyang ulohan, ug si Abner ug ang kasundalohan nanghigda libot kaniya.

1 Samuel 26:9

Apan si David miingon kang Abisai, “Ayaw siya patya, kay si kinsa ba ang makabakyaw sa iyang kamot batok sa dinihogan sa Ginoo ug walay sala?”