1 Samuel 26:21

Ang Biblia 2011

Unya si Saul miingon, “Ako nakasala; pauli, akong anak nga David, kay dili na ako magbuhat ug daotan kanimo tungod kay ang akong kinabuhi nahimong bililhon sa imong mga mata niining adlawa. Tan-awa, ako nagbuhat ingon nga buangbuang ug nasayop sa hilabihan gayod.”

Cross References

2 Mga Hari 1:13

Ug nagpadala na usab ang hari sa ikatulo nga pangulo sa tag-50 uban sa iyang 50 ka tawo. Ug ang ikatulo nga pangulo sa tag-50 mitungas ug miabot ug miluhod sa atubangan ni Elias ug naghangyo kaniya, “O tawo sa Dios, ako naghangyo kanimo, himoon unta nimo nga ang akong kinabuhi ug ang kinabuhi niining 50 nga imong mga sulugoon bililhon sa imong panan-aw.

2 Mga Hari 1:14

Tan-awa, ang kalayo mikanaog gikan sa langit ug milamoy sa duha ka naunang pangulo sa tag-50 uban sa ilang mga tag-50 apan karon himoon unta nimo nga ang akong kinabuhi bililhon sa imong panan-aw.”

Salmo 116:15

Bililhon sa panan-aw sa Ginoo ang kamatayon sa iyang mga balaan.

Salmo 49:8

kay ang lukat sa iyang kinabuhi mahal kaayo, ug kini dili paigo

Salmo 72:14

Gikan sa pagdaogdaog ug pagpanglupig gilukat niya ang ilang kinabuhi; ug bililhon ang ilang dugo diha sa iyang panan-aw.

Exodo 9:27

Unya ang Paraon misugo sa pagpatawag kang Moises ug kang Aaron ug miingon kanila, “Nakasala ako niining panahona. Ang Ginoo matarong ug ako ug ang akong katawhan daotan.

Numeros 22:34

Ug si Balaam miingon sa anghel sa Ginoo, “Nakasala ako, kay ako wala mahibalo nga ikaw nagtindog sa dalan aron sa pagsanta kanako. Busa karon, kon kini daotan sa imong panan-aw, mobalik ako.”

Mateo 27:4

Siya miingon, “Nakasala ako sa akong pagtugyan sa dugo sa tawong dili sad-an.” Apan sila miingon, “Unsa may amo niana? Imo kanang tulubagon.”

1 Samuel 13:13

Ug si Samuel miingon kang Saul, “Ikaw naghimo ug binuang, wala ikaw magtuman sa sugo sa Ginoo nga imong Dios nga iyang gisugo kanimo kay karon lig-onon unta sa Ginoo ang imong gingharian diha sa Israel hangtod sa kahangtoran.

1 Samuel 15:24

Unya si Saul miingon kang Samuel, “Ako nakasala kay ako nakalapas sa sugo sa Ginoo ug sa iyang mga pulong, tungod kay ako nahadlok sa katawhan ug nagtuman sa ilang tingog.

1 Samuel 15:30

Unya siya miingon, “Ako nakasala apan pasidunggi ako karon sa atubangan sa mga kadagkoan sa akong katawhan ug sa atubangan sa Israel, ug balik uban kanako aron ako mosimba sa Ginoo nga imong Dios.”

1 Samuel 18:30

Unya ang mga pangulo sa mga Filistihanon nanggula aron sa pagpakiggubat, ug unsa ka daghan ang ilang paghimo niini, mao usab ka daghan ang kalamposan ni David kay sa mga sulugoon si Saul, nga tungod niini ang iyang ngalan nabantog pag-ayo.

1 Samuel 24:17

Siya miingon kang David, “Ikaw labaw pang matarong kay kanako kay ikaw nagbalos kanako ug maayo, samtang gihatag nako kanimo ang daotan.

1 Samuel 26:22

Ug si David mitubag, “Ania ang bangkaw, O hari! Paanhia dinhi ang usa sa mga batan-ong lalaki ug ipakuha kini.

1 Samuel 26:24

Ingon nga ang imong kinabuhi bililhon sa akong panan-aw niining adlawa, bililhon usab unta ang akong kinabuhi sa panan-aw sa Ginoo ug luwason unta niya ako sa tanang kalisdanan.”

1 Samuel 27:4

Ug sa diha nga gisugilon kang Saul nga si David mikagiw ngadto sa Gat, siya wala na mangita kaniya pag-usab.