1 Samuel 26:20

Ang Biblia 2011

Busa karon, ayaw itugot nga ang akong dugo maula sa yuta nga layo sa atubangan sa Ginoo, kay ang hari sa Israel mianhi aron sa pagpangita sa usa ka pulgas, sama sa tawo nga nangayam sa usa ka langgam sa kabukiran.”

Cross References

Jeremias 16:16

“Tan-awa, ako magpadala ug daghang mangingisda, nag-ingon ang Ginoo, ug sila managat kanila ug human niini magpadala ako ug daghang mga mangangayam ug sila mangayam kanila gikan sa tanang bukid ug gikan sa tanang bungtod ug gikan sa mga liki sa mga pangpang.

Mga Pagbangotan 3:52

“Sama sa usa ka langgam, gigukod ako sa akong mga kaaway sa walay hinungdan;

Mateo 26:47

Samtang nagsulti pa siya, miabot si Judas, usa sa napulo ug duha, uban sa usa ka dakong panon sa katawhan nga sangkap sa mga espada ug mga puspos. Sila gikan sa mga pangulong pari ug sa mga kadagkoan sa katawhan.

Mateo 26:55

Ug niadtong tungora si Jesus miingon sa panon sa katawhan, “Nanganhi ba kamo nga daw batok ug usa ka tulisan, nga magdala man kamo ug mga espada ug mga puspos? Adlaw adlaw akong maglingkod didto sa Templo nga nagtudlo ug wala ninyo ako dakpa didto.

1 Samuel 2:9

“Siya magbantay sa mga tiil sa mga matinud-anon; apan ang daotan mangahanaw diha sa kangitngitan; kay dili pinaagi sa kusog nga ang tawo magmadaogon.

1 Samuel 24:11

Tan-awa, akong amahan, ang sidsid sa imong bisti sa akong kamot, kay nianang pagputol nako sa sidsid sa imong bisti ug nga wala ikaw nako patya, mahibaloan nimo ug makita nga wala gayoy daotan o paglapas sa akong kamot. Wala ako makasala batok kanimo bisan pa ug nangita ikaw sa akong kinabuhi aron sa pagkuha niini.

1 Samuel 24:14

Kinsa bay hinungdan sa paggula sa hari sa Israel? Kinsa ba ang imong gigukod? Usa ka iro nga patay! Usa ka pulgas!

1 Samuel 24:15

Ang Ginoo mao unta ang maghukom ug mohatag sa paghukom taliwala kanako ug kanimo ug motan-aw ug molaban sa akong katungod ug magluwas kanako gikan sa imong kamot.”

1 Samuel 25:29

Kon ang mga tawo motindog aron sa paggukod kanimo ug magtinguha sa imong kinabuhi, ang kinabuhi sa akong agalon mahigot diha sa bugkos sa mga buhi uban sa Ginoo nga imong Dios, ug ang mga kinabuhi sa imong mga kaaway iyang ilambuyog kanila sama nga gikan sa usa ka saplong.