1 Samuel 26:18

Ang Biblia 2011

Ug siya miingon, “Ngano ba nga ang akong agalon naggukod man sa iyang sulugoon? Kay unsa may akong nabuhat? Unsa ang sala nga ania sa akong kamot?

Cross References

Salmo 119:161

Ang mga pangulo naglutos kanako nga walay gipasikaran, apan ang akong kasingkasing nagbarog nga may kahadlok sa imong mga pulong.

Salmo 35:7

Kay sa walay hinungdan nagtago sila sa ilang pukot alang kanako; sa walay hinungdan nagkalot sila ug usa ka gahong alang sa akong kinabuhi.

Salmo 69:4

Daghan pa kay sa buhok sa akong ulo ang mga nagdumot kanako sa walay hinungdan; gamhanan kadtong buot molaglag kanako, kadtong miasdang kanako pinaagi sa mga bakak. Kinahanglan ba nakong iuli ang wala nako kawata?

Jeremias 37:18

Si Jeremias miingon usab ngadto kang Hari Zedekias, “Unsay sayop nga akong nabuhat kanimo o sa imong mga alagad o niining katawhan, nga gibilanggo man ninyo ako?

Juan 10:32

Si Jesus mitubag kanila, “Gipakitaan kamo nako ug daghang mga maayong buhat gikan sa Amahan. Unsa ba niining mga buhata ang hinungdan nga inyo akong batoon?”

Juan 18:23

Si Jesus mitubag kaniya, “Kon daotan man ang akong gisulti, pamatud-i ang pagkadaotan niini, apan kon maayo ang akong gisulti, nganong gisagpa man nimo ako?”

Juan 8:46

Kinsa man kaninyo ang makapamatuod nga ako sad-an? Kay ako nagsulti sa kamatuoran, nganong dili man kamo motuo kanako?

1 Samuel 17:29

Ug si David miingon, “Unsa may akong nabuhat karon? Dili ba sulti lamang kini?”

1 Samuel 20:1

Unya si David mikagiw gikan sa Naiot sa Rama, ug miadto ug miingon sa atubangan ni Jonatan, “Unsay akong nabuhat? Unsay akong kasal-anan? Ug unsay akong sala sa atubangan sa imong amahan nga siya nagtinguha man sa akong kinabuhi?”

1 Samuel 24:9

Si David miingon kang Saul, “Nganong namati ikaw sa mga pulong sa mga tawo, nga nag-ingon, ‘Si David daotan ug tuyo kanimo’?