1 Samuel 26:17

Ang Biblia 2011

Si Saul nakaila sa tingog ni David ug miingon, “Mao ba kini ang imong tingog, akong anak nga David?” Ug si David miingon, “Akoa kining tingog, akong agalon, O hari.”

Cross References

Genesis 37:33

Ug kini nailhan niya ug siya miingon, “Mao kini ang bisti sa akong anak ug usa ka bangis nga mananap ang mitukob kaniya, sa walay duhaduha giwataswatas si Jose.”

1 Samuel 24:16

Sa diha nga nahuman na pagsulti ni David niining mga pulonga ngadto kang Saul, si Saul miingon, “Mao ba kini ang imong tingog, akong anak nga David?” Ug gipatugbaw ni Saul ang iyang tingog ug mihilak.

1 Samuel 24:17

Siya miingon kang David, “Ikaw labaw pang matarong kay kanako kay ikaw nagbalos kanako ug maayo, samtang gihatag nako kanimo ang daotan.

1 Samuel 24:8

Human niana, mitindog usab si David ug migula sa langob ug mitawag kang Saul, “Akong agalon nga hari!” Sa diha nga si Saul milingi sa iyang luyo, si David miyukbo nga ang iyang nawong duol sa yuta ug naghatag ug katahoran.