1 Samuel 26:12

Ang Biblia 2011

Busa gikuha ni David ang bangkaw ug ang tibod sa tubig gikan sa ulohan ni Saul ug nanglakaw sila. Walay tawo nga nakakita niini o nahibalo niini, o may si bisan kinsa nga nakamata kay silang tanan nakatulog, tungod kay ang lalom nga paghinanok gikan sa Ginoo midangat kanila.

Cross References

Genesis 15:12

Ug sa nagkasalop na ang adlaw, si Abram nahinanok sa pagkatulog ug unya gihakop siya sa usa ka kalisang ug dakong kangitngit.

Genesis 2:21

Ug gipahinanok sa Ginoong Dios ang tawo ug samtang natulog siya, ang Dios mikuha ug usa sa mga gusok niya ug gitakpan niya ang unod sa dapit niini.

Ester 6:1

Niadtong gabhiona wala makatulog ang hari ug siya nagsugo nga ipadala ang basahon sa mga halandomong buhat, ang mga kasaysayan ug gibasa sa atubangan sa hari.

Isaias 29:10

Kay ang Ginoo nagbubo ibabaw kaninyo ug espiritu sa paghinanok; ug nagpapiyong sa inyong mga mata, kamong mga propeta, ug nagtabon sa inyong mga ulo, kamong mga tigpanagna.

1 Samuel 24:4

Ug ang mga tawo ni David miingon kaniya, “Mao kining adlawa ang giingon sa Ginoo kanimo, ‘Tan-awa, akong itugyan ang imong kaaway nganha sa imong kamot ug ikaw magbuhat ngadto kaniya sa unsay maayo alang kanimo.’ ” Unya si David mitindog ug gitabasan sa hilom ang sidsid sa bisti ni Saul.

1 Samuel 26:13

Unya si David milatas ngadto sa pikas nga bahin ug mitindog sa kinatumyan sa bukid didto sa layo, ug adunay usa ka dakong wanang nga nakaulang kanila.

1 Samuel 26:7

Busa sa pagkagabii si David ug si Abisai nangadto sa kasundalohan ug si Saul natulog sulod sa kampo uban sa iyang bangkaw nga giugbok sa yuta dapit sa iyang ulohan, ug si Abner ug ang kasundalohan nanghigda libot kaniya.