1 Samuel 26:11

Ang Biblia 2011

Ang Ginoo nagdili nga bakyawon nako ang akong kamot batok sa dinihogan sa Ginoo, apan karon kuhaa ang bangkaw nga anaa sa iyang ulohan ug ang tibod sa tubig, ug manglakaw kita.”

Cross References

2 Samuel 1:14

Si David miingon kaniya, “Ngano nga wala ka mahadlok sa paggamit sa imong kamot sa paglaglag sa dinihogan sa Ginoo”

2 Samuel 1:16

Ug si David miingon kaniya, “Ang imong dugo maanaa sa ibabaw sa imong ulo kay ang imong baba nagsaksi batok kanimo, nga nag-ingon, ‘Gipatay nako ang dinihogan sa Ginoo.’ ”

2 Samuel 19:22

Apan si David miingon, “Unsay labot nako kaninyo, kamong mga anak ni Zeruia, nga kamo niining adlawa mga kabatok nako? Kinahanglan ba nga adunay patyon niining adlawa sa Israel? Kay wala ba ako mahibalo nga ako niining adlawa hari sa Israel?”

Salmo 17:4

Mahitungod sa mga buhat sa mga tawo, pinaagi sa pulong sa imong mga ngabil naglikay ako sa mga dalan sa mga bangis.

Roma 12:17

Ayaw balosi ug daotan ang daotan, buhata hinuon ang maayo sa atubangan sa tanang tawo.

Roma 12:19

Mga hinigugma, ayaw panimalos, kondili hatagi hinuon ninyo ug higayon ang kapungot sa Dios; kay nasulat, “Akoa ang pagpanimalos, ako ang mobayad, nag-ingon ang Ginoo.”

1 Pedro 3:9

dili magbalos ug daotan sa daotan o magbalos ug pasipala sa pagpasipala kondili magpanalangin hinuon kay alang niini kamo gitawag aron makaangkon ug panalangin.

1 Samuel 12:3

Ania ako, pagsaksi kamo batok kanako sa atubangan sa Ginoo ug sa atubangan sa iyang dinihogan. Kang kinsang baka ang akong gikuha? Kang kinsang asno ang akong gikuha? Kinsa ang akong gidaogdaog o kinsa ang akong gilimbongan? Gikan kang kinsang kamot nga ako nagdawat ug suborno aron sa pagbuta sa akong mga mata pinaagi niini? Pagpamatuod kamo batok kanako ug ako mag-uli niana kaninyo.”

1 Samuel 24:12

Ang Ginoo maghukom unta taliwala kanimo ug kanako, ug ang Ginoo magbalos kanimo alang kanako, apan ang akong kamot dili gayod makigbatok kanimo.

1 Samuel 24:4

Ug ang mga tawo ni David miingon kaniya, “Mao kining adlawa ang giingon sa Ginoo kanimo, ‘Tan-awa, akong itugyan ang imong kaaway nganha sa imong kamot ug ikaw magbuhat ngadto kaniya sa unsay maayo alang kanimo.’ ” Unya si David mitindog ug gitabasan sa hilom ang sidsid sa bisti ni Saul.

1 Samuel 24:6

Siya miingon sa iyang mga tawo, “Ang Ginoo nagdili nga ako magbuhat niining butanga sa akong agalon, ang dinihogan sa Ginoo, sa pagbakyaw sa akong kamot batok kaniya, kay siya dinihogan sa Ginoo.”