1 Samuel 26:10

Ang Biblia 2011

Ug si David miingon, “Ingon nga ang Ginoo buhi, ang Ginoo ang maghampak kaniya o ang iyang adlaw sa kamatayon moabot o siya moadto sa gubat ug mamatay.

Cross References

Genesis 47:29

Ug sa nagkaduol na ang adlaw sa kamatayon ni Israel, iyang gitawag si Jose nga iyang anak ug giingnan, “Kon nakakaplag ako karon ug kahimuot sa imong mga mata, hangyoon ko ikaw, nga ibutang nimo ang imong kamot sa ilalom sa akong paa ug panaad nga magmaunongon ug magmatinud-anon ikaw kanako. Naghangyo ako kanimo nga ayaw ako ilubong sa Ehipto.

Job 14:14

Kon ang tawo mamatay, mabuhi ba siya pag-usab? Sa tanang adlaw sa akong pagpangalagad, ako magpaabot, hangtod nga ang akong kagawasan moabot.

Job 14:5

Kay ang iyang mga adlaw gitakda na, ug ang gidaghanon sa iyang mga bulan anaa kanimo, ug ikaw nagbutang ug mga utlanan kaniya nga dili niya malabang;

Job 7:1

“Dili ba lisod man ang pagpangalagad sa tawo sa ibabaw sa yuta, ug dili ba ang iyang mga adlaw sama sa mga adlaw sa usa ka sinuholan?

Salmo 37:10

Kay sa dili madugay ang mga daotan mangawala; bisan ug susihon nimo pag-ayo ang iyang dapit, siya wala na didto.

Salmo 37:13

apan ang Ginoo nagkatawa sa daotan kay siya nakakita nga umaabot ang iyang adlaw.

Salmo 94:23

Ipasumbalik niya ngadto kanila ang ilang kasal-anan, ug magpuo kanila diha sa ilang kaugalingong kadaotan; ang Ginoo nga atong Dios magpuo kanila.

Ecclesiastes 3:2

panahon sa pagkatawo, ug panahon sa pagkamatay; panahon sa pagtanom, ug panahon sa pag-ibot niadtong natanom;

Lucas 18:7

Ug dili ba hatagan sa Dios ug hustisya ang iyang mga pinili nga nagpakitabang kaniya sa adlaw ug gabii? Maglangaylangay ba siya pagtabang kanila?

Roma 12:19

Mga hinigugma, ayaw panimalos, kondili hatagi hinuon ninyo ug higayon ang kapungot sa Dios; kay nasulat, “Akoa ang pagpanimalos, ako ang mobayad, nag-ingon ang Ginoo.”

Deuteronomio 31:14

Ang Ginoo miingon kang Moises, “Tan-awa, nagkaduol na ang mga adlaw nga ikaw mamatay. Tawga si Josue ug pangadto kamo sa tolda nga tagboanan aron ako maghatag kaniya sa katungdanan.” Ug sila si Moises ug si Josue nangadto ug nagpakita sa ilang kaugalingon didto sa tolda nga tagboanan.

Deuteronomio 32:35

Akoa ang panimalos, ug ang bayad, alang sa panahon nga ang ilang tiil madalin-as; kay ang adlaw sa ilang katalagman nagkaduol na ug ang ilang kalaglagan moabot sa kalit lamang.

Mga Hebreo 10:30

Kay kita nakaila kaniya nga nag-ingon, “Akoa ang pagpanimalos, ako ang mobayad.” Ug usab, “Ang Ginoo maghukom sa iyang katawhan.”

Mga Hebreo 9:27

Ug ingon nga natakda nga ang tawo mamatay sa makausa, ug human niana mao ang paghukom,

Gipadayag 18:8

busa sa usa lamang ka adlaw mangabot ang iyang mga katalagman, ang kamatay, kasubo ug gutom, ug siya sunogon pinaagi sa kalayo, kay gamhanan ang Ginoong Dios nga mao ang naghukom kaniya.”

1 Samuel 24:12

Ang Ginoo maghukom unta taliwala kanimo ug kanako, ug ang Ginoo magbalos kanimo alang kanako, apan ang akong kamot dili gayod makigbatok kanimo.

1 Samuel 24:15

Ang Ginoo mao unta ang maghukom ug mohatag sa paghukom taliwala kanako ug kanimo ug motan-aw ug molaban sa akong katungod ug magluwas kanako gikan sa imong kamot.”

1 Samuel 25:26

Busa karon, akong agalon, ingon nga ang Ginoo buhi, ug ingon nga ang imong kalag buhi, sa nakita nga ang Ginoo nagpugong kanimo gikan sa pagpakasala tungod sa dugo, ug gikan sa pagpanimalos pinaagi sa imong kaugalingong kamot, busa karon himoa nga ang imong mga kaaway ug sila nga nangita ug kadaotan sa akong agalon mahisama kang Nabal.

1 Samuel 25:38

Ug human molabay ang napulo ka adlaw, si Nabal gihampak sa Ginoo ug siya namatay.

1 Samuel 25:39

Sa diha nga si David nakadungog nga si Nabal namatay, siya miingon, “Bulahan ang Ginoo nga nanimalos sa kaulawan nga akong nadawat gikan sa kamot ni Nabal, ug nagpugong sa iyang sulugoon gikan sa daotan, ug ang daotang buhat ni Nabal gipasumbalik sa Ginoo ngadto sa iyang ulo.” Ug si David nagpasugo ug mihangyo kang Abigail, aron himoon siya nga iyang asawa.

1 Samuel 31:4

Unya miingon si Saul ngadto sa iyang tigdala sa hinagiban, “Ibta ang imong espada ug dunggaba ako niana, tingali unya ug kining mga dili tinuli moabot ug modunggab kanako ug binuangan ako.” Apan ang iyang tigdala sa hinagiban wala makahimo kay nahadlok siya pag-ayo. Busa gikuha ni Saul ang iyang espada ug gidunggab niya ang iyang kaugalingon.

1 Samuel 31:6

Busa si Saul namatay, ug ang iyang tulo ka anak nga lalaki, ug ang iyang tigdala sa hinagiban, ug ang tanan niyang mga tawo niadtong adlawa.