1 Samuel 25:1

Ang Biblia 2011

Unya namatay si Samuel, ug ang tibuok nga Israel nagtigom ug nagbangutan alang kaniya, ug gilubong siya didto sa iyang balay sa Rama. Unya si David mitindog ug miadto sa kamingawan sa Paran.

Cross References

Genesis 14:6

ug ang mga Horihanon didto sa ilang bukid sa Seir hangtod sa patag sa El-paran sa utlanan sa kamingawan.

Genesis 21:21

Ug nagpuyo siya sa kamingawan sa Paran ug ang iyang inahan nagpili alang kaniya ug usa ka asawa gikan sa yuta sa Ehipto.

Genesis 23:2

Unya namatay si Sarah didto sa Kiriat-arba nga mao ang Hebron sa yuta sa Canaan ug si Abraham miadto aron sa pagbangutan alang kang Sarah ug sa paghilak alang kaniya.

Genesis 50:11

Sa pagkakita sa mga Canaanhon nga nagpuyo sa yuta sa mga paghilak didto sa yuta sa Atad nga giokanan sa trigo, miingon sila, “Kini maoy hilabihan nga paghilak sa mga Ehiptohanon.” Busa ginganlan ang maong dapit ug Abel-misraim nga atua sa tabok sa Jordan.

1 Mga Hari 2:34

Unya si Benaias nga anak ni Jehoiada misaka ug midunggab kaniya ug gipatay siya ug gilubong didto sa iyang kaugalingong balay didto sa kamingawan.

2 Mga Hari 21:18

Ug si Manases mipahulay uban sa iyang katigulangan, ug gilubong sa tanaman sa iyang kaugalingon nga balay didto sa tanaman sa Uza. Ug si Amon nga iyang anak naghari puli kaniya.

2 Cronicas 33:20

Busa si Manases mipahulay uban sa iyang mga katigulangan ug gilubong nila siya sa iyang balay, ug si Amon nga iyang anak naghari puli kaniya.

Salmo 120:5

Alaot ako, nga ako milangyaw sa Mesek, nga mipuyo ako sa mga tolda sa Kedar!

Isaias 14:18

Ang tanang mga hari sa kanasoran nanghigda diha sa himaya, ang matag usa diha sa iyang lubnganan;

Zacarias 1:5

Ang inyong katigulangan, hain man sila? Ug ang mga propeta, buhi ba sila hangtod sa kahangtoran?

Numeros 10:12

Ug ang katawhan sa Israel nanglakaw gikan sa kamingawan sa Sinai sumala sa han-ay sa ilang pagpanaw ug ang panganod mihunong sa kamingawan sa Paran.

Numeros 12:16

Human niini ang katawhan mipanaw gikan sa Haserot ug mipahiluna sa ilang kampo didto sa kamingawan sa Paran.

Numeros 13:26

Ug miadto sila kang Moises ug kang Aaron ug sa tibuok nga katilingban sa katawhan sa Israel nga didto sa kamingawan sa Paran, didto sa Cades. Nagdala sila sa taho ngadto kanila ug sa tibuok nga katilingban ug gipakita nila ang bunga sa maong yuta.

Numeros 13:3

Busa si Moises mipadala kanila gikan sa kamingawan sa Paran sumala sa sugo sa Ginoo, silang tanan mga pangulo sa katawhan sa Israel.

Numeros 20:29

Ug sa pagkakita sa tibuok katilingban nga si Aaron namatay, ang tibuok banay sa Israel nagbangutan alang kang Aaron sulod sa 30 ka adlaw.

Mga Buhat 8:2

Ang mga relihiyosong tawo maoy milubong kang Esteban ug nagbangutan sila alang kaniya.

Deuteronomio 34:8

Ug ang katawhan sa Israel nanghilak alang kang Moises didto sa kapatagan sa Moab sulod sa katloan ka adlaw; unya ang mga adlaw sa paghilak ug pagbangotan kang Moises natapos.

1 Samuel 1:19

Sayo sila nga mibangon ug misimba atubangan sa Ginoo. Unya namauli sila sa ilang balay sa Rama. Ug si Elkana nakigdulog kang Hana nga iyang asawa ug ang Ginoo nahinumdom kaniya.

1 Samuel 28:3

Niadtong higayona, si Samuel patay na ug ang tibuok Israel nagbangotan alang kaniya ug gilubong siya didto sa Rama, didto sa iyang kaugalingong siyudad. Gipapahawa ni Saul ang mga tigpakisayod ug mga espiritu ug ang mga tigsalamangka gikan sa yuta.

1 Samuel 7:17

Unya siya adto mouli sa Rama kay atua man didto ang iyang balay, ug didto nagpahamtang usab siya sa hustisya alang sa Israel, ug didto naghimo siya ug usa ka halaran alang sa Ginoo.