1 Samuel 24:9

Ang Biblia 2011

Si David miingon kang Saul, “Nganong namati ikaw sa mga pulong sa mga tawo, nga nag-ingon, ‘Si David daotan ug tuyo kanimo’?

Cross References

Salmo 101:5

Ang magbutangbutang sa iyang silingan diha sa tago laglagon nako. Ang mapahitas-on nga tinan-awan ug ang mapalabilabihon nga kasingkasing dili nako maantos.

Salmo 141:6

Sa diha nga sila itugyan ngadto sa mga magpahamtang ug silot kanila, ilang mahibaloan nga ang akong pulong matuod.

Mga Panultihon 16:28

Ang tawo nga masukihon nagsabwag ug panagbingkil, ug ang usa ka tighunghong nagpabulag sa suod nga managhigala.

Mga Panultihon 17:4

Ang tigbuhat ug daotan mamati sa daotang mga ngabil; ug ang usa ka bakakon mamati sa usa ka dila nga makalaglag.

Mga Panultihon 18:8

Ang mga pulong sa usa ka tabian sama sa usa ka lamian nga pagkaon; kini manaog ngadto sa kinasulorang bahin sa lawas.

Mga Panultihon 25:23

Ang hangin sa amihan magdala ug ulan; ug ang tiglibak nga dila, masuk-anon nga panagway.

Mga Panultihon 26:28

Ang usa ka bakakon nga dila nagdumot sa nasakitan niini, ug ang usa ka ulog-ulogan nga baba nagbuhat ug kalaglagan.

Mga Panultihon 29:12

Kon ang usa ka pangulo mamati sa kabakakan, ang tanan niyang mga tinugyanan mahimong daotan.

Jeremias 37:18

Si Jeremias miingon usab ngadto kang Hari Zedekias, “Unsay sayop nga akong nabuhat kanimo o sa imong mga alagad o niining katawhan, nga gibilanggo man ninyo ako?

Levitico 19:16

Ayaw pagsuroysuroy aron manglibak taliwala sa imong katawhan, o manghimaraot batok sa dugo sa imong isigkatawo. Ako mao ang Ginoo.

Santiago 3:6

Ug ang dila usa ka kalayo. Sa mga bahin sa atong lawas, ang dila maoy usa ka kalibotan sa pagkadaotan nga naghugaw sa tibuok lawas ug nagduslit sa tibuok kinaiyahan, ug dinuslitan ug kalayo sa imperno.

1 Samuel 20:1

Unya si David mikagiw gikan sa Naiot sa Rama, ug miadto ug miingon sa atubangan ni Jonatan, “Unsay akong nabuhat? Unsay akong kasal-anan? Ug unsay akong sala sa atubangan sa imong amahan nga siya nagtinguha man sa akong kinabuhi?”

1 Samuel 20:41

Sa paglakaw na sa bata, si David mibarog gikan sa usa ka dapit padulong sa habagatan ug mihapa sa yuta ug miyukbo sa makatulo ug naghinagkanay sila ug naghinilakay sila, apan labaw gayod ang paghilak ni David.

1 Samuel 24:10

Niining adlawa ang imong mata nakakita kon giunsa sa Ginoo pagtugyan kanimo sa akong kamot didto sa langob, ug ang uban nag-awhag kanako sa pagpatay kanimo, apan ako nagpalingkawas kanimo ug ako miingon, ‘Dili nako bakyawon ang akong kamot batok sa akong agalon kay siya mao ang dinihogan sa Ginoo.’

1 Samuel 24:8

Human niana, mitindog usab si David ug migula sa langob ug mitawag kang Saul, “Akong agalon nga hari!” Sa diha nga si Saul milingi sa iyang luyo, si David miyukbo nga ang iyang nawong duol sa yuta ug naghatag ug katahoran.

1 Samuel 26:18

Ug siya miingon, “Ngano ba nga ang akong agalon naggukod man sa iyang sulugoon? Kay unsa may akong nabuhat? Unsa ang sala nga ania sa akong kamot?

1 Samuel 26:19

Busa karon, papamatia ang akong agalon nga hari sa mga pulong sa iyang sulugoon. Kon ang Ginoo mao ang nag-aghat kanimo batok kanako, dawaton unta niya ang usa ka halad, apan kon ang mga tawo, tunglohon unta sila sa atubangan sa Ginoo, kay ako ilang gipapahawa niining adlawa aron nga ako dili mabahinan sa panulundon sa Ginoo, ug sila nag-ingon, ‘Lakaw, pag-alagad ug laing mga dios.’