1 Samuel 24:8

Ang Biblia 2011

Human niana, mitindog usab si David ug migula sa langob ug mitawag kang Saul, “Akong agalon nga hari!” Sa diha nga si Saul milingi sa iyang luyo, si David miyukbo nga ang iyang nawong duol sa yuta ug naghatag ug katahoran.

Cross References

Genesis 17:3

Unya si Abram mihapa ug ang Dios miingon kaniya,

1 Mga Hari 1:31

Unya si Batseba miyukbo nga ang nawong paatubang sa yuta, ug naghatag ug katahoran sa hari, ug miingon, “Hinaot unta nga ang akong agalon nga si Hari David mabuhi hangtod sa kahangtoran!”

Exodo 20:12

“Tahora ang imong amahan ug ang imong inahan aron mataas ang imong mga adlaw sa yuta nga gihatag kanimo sa Ginoo nga imong Dios.

Roma 13:7

Bayri silang tanan sa angay nga bayran, ang mga buhis ngadto sa hataganan ug buhis, ang alkabala ngadto sa hataganan ug alkabala, ang pagtahod ngadto sa angay tahoron, ang pasidungog ngadto sa angay nga pasidunggan.

1 Pedro 2:17

Tahora ninyo ang tanang tawo. Higugmaa ninyo ang kaigsoonan. Kahadloki ninyo ang Dios. Tahora ninyo ang hari.

1 Samuel 20:41

Sa paglakaw na sa bata, si David mibarog gikan sa usa ka dapit padulong sa habagatan ug mihapa sa yuta ug miyukbo sa makatulo ug naghinagkanay sila ug naghinilakay sila, apan labaw gayod ang paghilak ni David.

1 Samuel 24:7

Busa gibadlong ni David ang iyang mga tawo niining mga pulonga ug wala motugot kanila nga hasmagan si Saul. Ug si Saul mitindog ug mibiya sa langob ug mipadayon sa iyang paglakaw.

1 Samuel 24:9

Si David miingon kang Saul, “Nganong namati ikaw sa mga pulong sa mga tawo, nga nag-ingon, ‘Si David daotan ug tuyo kanimo’?

1 Samuel 26:17

Si Saul nakaila sa tingog ni David ug miingon, “Mao ba kini ang imong tingog, akong anak nga David?” Ug si David miingon, “Akoa kining tingog, akong agalon, O hari.”

1 Samuel 28:14

Siya miingon kaniya, “Unsa ang iyang panagway?” Ug siya miingon, “Usa ka tigulang nga tawo ang migula ug siya giputos ug usa ka kupo.” Ug si Saul nakaila nga kadto mao si Samuel, ug iyang giyukbo ang iyang nawong ngadto sa yuta ug mihatag ug katahoran.