1 Samuel 24:7

Ang Biblia 2011

Busa gibadlong ni David ang iyang mga tawo niining mga pulonga ug wala motugot kanila nga hasmagan si Saul. Ug si Saul mitindog ug mibiya sa langob ug mipadayon sa iyang paglakaw.

Cross References

2 Samuel 1:14

Si David miingon kaniya, “Ngano nga wala ka mahadlok sa paggamit sa imong kamot sa paglaglag sa dinihogan sa Ginoo”

Salmo 7:4

kon ako nagbalos ug daotan kaniya nga anaa sa pakigdait uban kanako, o giilogan nako ang akong kaaway bisan walay hinungdan,

Mateo 5:44

Apan sultihan ko kamo, higugmaa ninyo ang inyong mga kaaway ug pag-ampo alang sa mga naglutos kaninyo

1 Samuel 12:3

Ania ako, pagsaksi kamo batok kanako sa atubangan sa Ginoo ug sa atubangan sa iyang dinihogan. Kang kinsang baka ang akong gikuha? Kang kinsang asno ang akong gikuha? Kinsa ang akong gidaogdaog o kinsa ang akong gilimbongan? Gikan kang kinsang kamot nga ako nagdawat ug suborno aron sa pagbuta sa akong mga mata pinaagi niini? Pagpamatuod kamo batok kanako ug ako mag-uli niana kaninyo.”

1 Samuel 24:6

Siya miingon sa iyang mga tawo, “Ang Ginoo nagdili nga ako magbuhat niining butanga sa akong agalon, ang dinihogan sa Ginoo, sa pagbakyaw sa akong kamot batok kaniya, kay siya dinihogan sa Ginoo.”

1 Samuel 24:8

Human niana, mitindog usab si David ug migula sa langob ug mitawag kang Saul, “Akong agalon nga hari!” Sa diha nga si Saul milingi sa iyang luyo, si David miyukbo nga ang iyang nawong duol sa yuta ug naghatag ug katahoran.

1 Samuel 25:33

Bulahan ang imong maayong paghukom, ug bulahan ikaw nga nakapalikay kanako niining adlawa gikan sa pagpakasala tungod sa dugo, ug gikan sa pagpanimalos alang sa akong kaugalingon pinaagi sa akong kamot.

1 Samuel 26:23

Ang Ginoo magganti sa matag tawo tungod sa iyang pagkamatarong ug sa iyang pagkamatinumanon, kay ang Ginoo nagtugyan kanimo nganhi sa akong kamot niining adlawa, ug dili ako mobakyaw sa akong kamot batok sa dinihogan sa Ginoo.

1 Samuel 26:9

Apan si David miingon kang Abisai, “Ayaw siya patya, kay si kinsa ba ang makabakyaw sa iyang kamot batok sa dinihogan sa Ginoo ug walay sala?”