1 Samuel 24:3

Ang Biblia 2011

Siya miabot sa mga toril sa mga karnero daplin sa agianan, diin may usa ka langob, ug si Saul misulod aron sa pagpahuwas sa iyang kaugalingon. Niadtong tungora, si David ug ang iyang mga tawo nanglingkod sa kinasulorang bahin sa maong langob.

Cross References

Salmo 141:6

Sa diha nga sila itugyan ngadto sa mga magpahamtang ug silot kanila, ilang mahibaloan nga ang akong pulong matuod.

Mga Maghuhukom 3:24

Sa diha nga nakalakaw na si Ehud, ang mga sulugoon miabot ug sa ilang pagkakita nga ang mga pultahan sa lawak sa itaas gitrangkahan, sila naghunahuna, “Nagpahayahay ra siya sa iyang kaugalingon diha sa bugnaw nga lawak sa itaas.”

1 Samuel 13:2

Si Saul nagpili ug tulo ka libo ka tawo gikan sa Israel; ang duha ka libo didto uban ni Saul sa Mikmas ug sa kabungtoran sa Betel, ug ang usa ka libo didto uban kang Jonatan sa Gibea sa Benjamin, ug ang uban nga mga tawo gipapauli niya ngadto sa ilang tolda.

1 Samuel 26:2

Busa si Saul mitindog ug milugsong ngadto sa kamingawan sa Zif uban sa tulo ka libo ka piniling tawo sa Israel aron sa pagpangita kang David didto sa kamingawan sa Zif.

1 Samuel 26:3

Ug si Saul nagkampo didto sa bungtod sa Hakila, nga nag-ubay sa dalan sa silangan sa Jesimon. Apan si David nagpabilin didto sa kamingawan, ug sa pagkakita niya nga si Saul misunod kaniya didto sa kamingawan,