1 Samuel 24:19

Ang Biblia 2011

Kay kon ang usa ka tawo makakita sa iyang kaaway, buhian ba kaha niya siya nga walay kadaot? Busa ang Ginoo magbalos unta kanimo sa maayo tungod sa imong gibuhat kanako niining adlawa.

Cross References

Salmo 18:20

Ang Ginoo miganti kanako sumala sa akong pagkamatarong; sumala sa kahinlo sa akong mga kamot gibalosan niya ako.

Mga Maghuhukom 17:2

Ug siya miingon sa iyang inahan, “Ang napulo ug usa ka gatos ka buok salaping plata nga gikuha gikan kanimo, nga mahitungod niini ikaw namulong ug usa ka tunglo, ug misulti usab ikaw niini sa akong mga dalunggan, tan-awa ang salapi ania kanako. Gikuha nako kini.” Ug ang iyang inahan miingon, “Panalanginan unta sa Ginoo ang akong anak.”

Ruth 2:12

Ang Ginoo nagbalos kanimo sa imong buhat, ug ang usa ka hingpit nga ganti ihatag kanimo sa Ginoo, ang Dios sa Israel, nga sa ilalom sa iyang mga pako ikaw mianhi aron modangop!”

1 Samuel 23:17

Ug siya miingon kaniya, “Ayaw kahadlok kay ang kamot ni Saul nga akong amahan dili makakita kanimo ug ikaw mahimong hari ibabaw sa Israel, ug ako ang sunod nimo, ug si Saul nga akong amahan nahibalo usab niini.”

1 Samuel 23:21

Ug si Saul miingon, “Panalanginan unta kamo sa Ginoo kay kamo naluoy kanako.

1 Samuel 26:23

Ang Ginoo magganti sa matag tawo tungod sa iyang pagkamatarong ug sa iyang pagkamatinumanon, kay ang Ginoo nagtugyan kanimo nganhi sa akong kamot niining adlawa, ug dili ako mobakyaw sa akong kamot batok sa dinihogan sa Ginoo.

1 Samuel 26:25

Unya si Saul miingon kang David, “Bulahan ikaw, David nga akong anak! Makahimo ikaw ug daghang mga butang ug magmalamposon diha niini.” Busa si David milakaw ug si Saul mibalik ngadto sa iyang dapit.