1 Samuel 24:17

Ang Biblia 2011

Siya miingon kang David, “Ikaw labaw pang matarong kay kanako kay ikaw nagbalos kanako ug maayo, samtang gihatag nako kanimo ang daotan.

Cross References

Genesis 38:26

Unya si Juda nakaila niini ug miingon, “Siya labaw pang matarong kay kanako kay siya wala nako ihatag kang Sela nga akong anak nga lalaki.” Ug wala na gayod siya modulog kaniya pag-usab.

Salmo 37:6

Siya magpadayag sa imong pagkamatarong ingon sa kahayag, ug sa imong katungod ingon sa udtong tutok.

Exodo 9:27

Unya ang Paraon misugo sa pagpatawag kang Moises ug kang Aaron ug miingon kanila, “Nakasala ako niining panahona. Ang Ginoo matarong ug ako ug ang akong katawhan daotan.

Mateo 27:4

Siya miingon, “Nakasala ako sa akong pagtugyan sa dugo sa tawong dili sad-an.” Apan sila miingon, “Unsa may amo niana? Imo kanang tulubagon.”

Mateo 5:44

Apan sultihan ko kamo, higugmaa ninyo ang inyong mga kaaway ug pag-ampo alang sa mga naglutos kaninyo

1 Samuel 26:17

Si Saul nakaila sa tingog ni David ug miingon, “Mao ba kini ang imong tingog, akong anak nga David?” Ug si David miingon, “Akoa kining tingog, akong agalon, O hari.”

1 Samuel 26:21

Unya si Saul miingon, “Ako nakasala; pauli, akong anak nga David, kay dili na ako magbuhat ug daotan kanimo tungod kay ang akong kinabuhi nahimong bililhon sa imong mga mata niining adlawa. Tan-awa, ako nagbuhat ingon nga buangbuang ug nasayop sa hilabihan gayod.”