1 Samuel 24:12

Ang Biblia 2011

Ang Ginoo maghukom unta taliwala kanimo ug kanako, ug ang Ginoo magbalos kanimo alang kanako, apan ang akong kamot dili gayod makigbatok kanimo.

Cross References

Genesis 16:5

Unya si Sarai miingon kang Abram, “Ang sayop maanaa unta kanimo. Akong gihatag ang akong ulipon nga babaye sa imong mga bukton, ug sa pagkakita niya nga nagsamkon na siya, gitan-aw niya ako uban ang pagtamay. Maghukom unta ang Ginoo tali kanako ug kanimo.”

Genesis 31:53

Ang Dios ni Abraham, ug ang Dios ni Nahor, ang Dios sa ilang amahan maghukom taliwala kanato.” Ug si Jacob nanumpa pinaagi sa kahadlok ni Isaac nga iyang amahan.

2 Samuel 22:48

ang Dios nga naghatag kanako ug pagpanimalos ug nagpukan sa mga katawhan ubos kanako,

1 Cronicas 12:18

Unya ang Espiritu mikunsad kang Amasai nga pangulo sa 30, ug siya miingon, “Imo kami, O David; ug uban kanimo, O anak ni Jesse! Kalinaw, kalinaw nganha kanimo, ug kalinaw nganha sa imong mga kaabag! Kay ang imong Dios nagtabang kanimo.” Unya gidawat sila ni David ug gihimo sila nga mga pangulo sa iyang kasundalohan.

Job 5:8

“Apan alang kanako, ako mangita sa Dios, ug ngadto sa Dios akong itugyan ang akong tuyo.

Salmo 35:1

Pakigbatok, O Ginoo, niadtong mga nakigbatok kanako; pakig-away batok niadtong nakig-away kanako!

Salmo 43:1

Pamatud-i ako nga matarong, O Dios, ug labani ang akong katungod batok sa usa ka katawhan nga dili diosnon; luwasa ako gikan sa mga tawo nga limbongan ug dili matarong!

Salmo 94:1

O Ginoo, ikaw nga Dios sa pagpanimalos, ikaw nga Dios sa pagpanimalos, dan-ag!

Roma 12:19

Mga hinigugma, ayaw panimalos, kondili hatagi hinuon ninyo ug higayon ang kapungot sa Dios; kay nasulat, “Akoa ang pagpanimalos, ako ang mobayad, nag-ingon ang Ginoo.”

1 Pedro 2:23

Sa gisultihan siya ug pasipala, wala siya mobalos ug pasipala; sa nag-antos siya, wala siya manghulga; hinuon gitugyan niya ang iyang kaugalingon ngadto kaniya nga maghukom uban sa katarongan.

Gipadayag 6:10

Ug sila nagsinggit sa kusog nga tingog nga nag-ingon, “O Ginoo, balaan ug matuod, hangtod kanus-a ba nga ikaw dili magsilot ug manimalos sa mga nagpuyo sa yuta tungod sa among dugo?”

Mga Maghuhukom 11:27

Busa ako wala makasala batok kanimo, apan ikaw nakabuhat ug sala kanako pinaagi sa pagpakiggubat batok kanako. Ang Ginoo, ang Maghuhukom, mao ang maghukom niining adlawa taliwala sa katawhan sa Israel ug sa katawhan sa Amon.”

1 Samuel 20:1

Unya si David mikagiw gikan sa Naiot sa Rama, ug miadto ug miingon sa atubangan ni Jonatan, “Unsay akong nabuhat? Unsay akong kasal-anan? Ug unsay akong sala sa atubangan sa imong amahan nga siya nagtinguha man sa akong kinabuhi?”

1 Samuel 24:15

Ang Ginoo mao unta ang maghukom ug mohatag sa paghukom taliwala kanako ug kanimo ug motan-aw ug molaban sa akong katungod ug magluwas kanako gikan sa imong kamot.”

1 Samuel 26:23

Ang Ginoo magganti sa matag tawo tungod sa iyang pagkamatarong ug sa iyang pagkamatinumanon, kay ang Ginoo nagtugyan kanimo nganhi sa akong kamot niining adlawa, ug dili ako mobakyaw sa akong kamot batok sa dinihogan sa Ginoo.