1 Samuel 24:11

Ang Biblia 2011

Tan-awa, akong amahan, ang sidsid sa imong bisti sa akong kamot, kay nianang pagputol nako sa sidsid sa imong bisti ug nga wala ikaw nako patya, mahibaloan nimo ug makita nga wala gayoy daotan o paglapas sa akong kamot. Wala ako makasala batok kanimo bisan pa ug nangita ikaw sa akong kinabuhi aron sa pagkuha niini.

Cross References

2 Samuel 1:14

Si David miingon kaniya, “Ngano nga wala ka mahadlok sa paggamit sa imong kamot sa paglaglag sa dinihogan sa Ginoo”

2 Mga Hari 5:13

Apan ang iyang mga sulugoon miduol ug miingon kaniya, “Amahan ko, kon ang propeta magsugo kanimo sa pagbuhat ug dakong butang, dili ba buhaton nimo kini? Unsa pa kaha nga misulti lamang siya kanimo, ‘Panghugas, ug mahinlo ka’?”

Job 10:16

Ug kon akong ipataas ang akong kaugalingon, ikaw, mangita kanako sama sa liyon, ug mobuhat pag-usab ug mga kahibulongan batok kanako.

Salmo 119:161

Ang mga pangulo naglutos kanako nga walay gipasikaran, apan ang akong kasingkasing nagbarog nga may kahadlok sa imong mga pulong.

Salmo 140:11

Ayaw palamposa dinhi sa yuta ang mga tigbutangbutang; ipahiagom dayon ang daotan ngadto sa bangis nga tawo!

Salmo 35:7

Kay sa walay hinungdan nagtago sila sa ilang pukot alang kanako; sa walay hinungdan nagkalot sila ug usa ka gahong alang sa akong kinabuhi.

Salmo 59:3

Kay sila nag-atang sa akong kinabuhi; ang mga bangis naghiusa batok kanako. Bisan wala akoy kalapasan o sala, O Ginoo;

Salmo 7:5

ipagukod ako sa akong kaaway ug paapsa kanako, ug patumbi niya ngadto sa yuta ang akong kinabuhi, ug ang akong kalag ipabutang diha sa abog. Selah

Mga Panultihon 15:1

Ang tubag nga malumo makapahupay sa kasuko, apan ang pulong nga hait makapahagit sa kasuko.

Mga Pagbangotan 4:18

Ang mga tawo nangita sa among mga lakang aron dili kami makalakaw sa among kadalanan; ang among kataposan nagkaduol na; ang among mga adlaw maihap na lamang; kay ang among kataposan miabot na.

Ezequiel 13:18

ug sulti, Mao kini ang giingon sa Ginoong Dios: Alaot ang mga babaye nga nagtahi sa mga pulseras nga anting-anting ug nagbuhat sa mga pandong alang sa ulo sa mga tawo sa tanang gidak-on aron sa paglit-ag sa mga kinabuhi! Mangayam ba kamo sa kinabuhi sa akong katawhan ug magluwas aron mabuhi ang uban alang sa inyong kaugalingon?

Miqueas 7:2

Ang tawo nga diosnon nahanaw gikan sa yuta, ug walay usa nga matarong taliwala sa mga tawo; silang tanan nangatang alang sa dugo, ang matag usa kanila nag-ayam sa iyang igsoon pinaagi sa pukot.

Juan 15:25

Kini aron matuman ang pulong nga nasulat sa ilang balaod, ‘Nagdumot sila kanako sa walay hinungdan.’

1 Samuel 12:3

Ania ako, pagsaksi kamo batok kanako sa atubangan sa Ginoo ug sa atubangan sa iyang dinihogan. Kang kinsang baka ang akong gikuha? Kang kinsang asno ang akong gikuha? Kinsa ang akong gidaogdaog o kinsa ang akong gilimbongan? Gikan kang kinsang kamot nga ako nagdawat ug suborno aron sa pagbuta sa akong mga mata pinaagi niini? Pagpamatuod kamo batok kanako ug ako mag-uli niana kaninyo.”

1 Samuel 18:27

si David mitindog ug miadto kuyog sa iyang mga tawo ug gipatay ang duha ka gatos ka tawo sa mga Filistihanon ug gidala ni David ang ilang mga yamis ug gihatag nila kini sa husto nga gidaghanon ngadto sa hari aron siya mahimong umagad sa hari. Ug gipaasawa ni Saul kaniya si Mical nga iyang anak.

1 Samuel 23:14

Ug si David nagpabilin sa mga kuta diha sa kamingawan, sa kabungtoran sa Kamingawan sa Zif. Ug si Saul nangita kaniya matag adlaw, apan ang Dios wala magtugyan kaniya ngadto sa iyang kamot.

1 Samuel 23:23

Busa tan-awa ug panid-i ang tanang mga dapit diin siya magtago ug balik kamo dinhi kanako nga may tino nga kasayoran. Unya mouban ako kaninyo ug kon mahitabo nga atua siya sa yuta, pangitaon gayod nako siya diha sa mga linibo sa Juda.”

1 Samuel 25:28

Naghangyo ako, pasayloa ang sala sa imong sulugoon nga babaye, kay sa pagkatinuod, ang Ginoo maghimo ug usa ka lig-ong balay alang sa akong agalon tungod kay ang akong agalon nakig-away man diha sa mga gubat sa Ginoo, ug ang daotan dili makaplagan diha kanimo sa tanan nimong mga adlaw.

1 Samuel 26:18

Ug siya miingon, “Ngano ba nga ang akong agalon naggukod man sa iyang sulugoon? Kay unsa may akong nabuhat? Unsa ang sala nga ania sa akong kamot?

1 Samuel 26:20

Busa karon, ayaw itugot nga ang akong dugo maula sa yuta nga layo sa atubangan sa Ginoo, kay ang hari sa Israel mianhi aron sa pagpangita sa usa ka pulgas, sama sa tawo nga nangayam sa usa ka langgam sa kabukiran.”

1 Samuel 26:23

Ang Ginoo magganti sa matag tawo tungod sa iyang pagkamatarong ug sa iyang pagkamatinumanon, kay ang Ginoo nagtugyan kanimo nganhi sa akong kamot niining adlawa, ug dili ako mobakyaw sa akong kamot batok sa dinihogan sa Ginoo.