1 Samuel 24:10

Ang Biblia 2011

Niining adlawa ang imong mata nakakita kon giunsa sa Ginoo pagtugyan kanimo sa akong kamot didto sa langob, ug ang uban nag-awhag kanako sa pagpatay kanimo, apan ako nagpalingkawas kanimo ug ako miingon, ‘Dili nako bakyawon ang akong kamot batok sa akong agalon kay siya mao ang dinihogan sa Ginoo.’

Cross References

Salmo 105:15

nga nag-ingon, “Ayaw hilabti ang akong mga dinihogan, ug ayaw buhati ug daotan ang akong mga propeta!”

Salmo 125:3

Kay ang setro sa pagkadaotan dili magpabilin sa yuta nga gigahin alang sa mga matarong, kay tingali unya ug ang mga matarong mobakyaw sa ilang mga kamot sa pagbuhat ug sayop.

Salmo 7:3

O Ginoo nga akong Dios, kon gibuhat nako kini, kon sa akong mga kamot adunay kasaypanan,

Salmo 7:4

kon ako nagbalos ug daotan kaniya nga anaa sa pakigdait uban kanako, o giilogan nako ang akong kaaway bisan walay hinungdan,

Exodo 21:13

Apan kon wala niya kini atangi ug ang Dios mao ang nagtugyan sa tawo ngadto sa iyang kamot, magtudlo ako kanimo ug dapit nga iyang kadangpan.

Ezequiel 22:9

Adunay mga tawo diha kanimo nga nagbutangbutang aron sa pagpaagas ug dugo, ug may mga tawo diha kanimo nga nagkaon ibabaw sa kabukiran. Ang mga tawo nagbuhat ug law-ay diha sa imong taliwala.

Levitico 19:16

Ayaw pagsuroysuroy aron manglibak taliwala sa imong katawhan, o manghimaraot batok sa dugo sa imong isigkatawo. Ako mao ang Ginoo.

1 Samuel 24:4

Ug ang mga tawo ni David miingon kaniya, “Mao kining adlawa ang giingon sa Ginoo kanimo, ‘Tan-awa, akong itugyan ang imong kaaway nganha sa imong kamot ug ikaw magbuhat ngadto kaniya sa unsay maayo alang kanimo.’ ” Unya si David mitindog ug gitabasan sa hilom ang sidsid sa bisti ni Saul.

1 Samuel 24:9

Si David miingon kang Saul, “Nganong namati ikaw sa mga pulong sa mga tawo, nga nag-ingon, ‘Si David daotan ug tuyo kanimo’?