1 Samuel 23:6

Ang Biblia 2011

Sa diha nga si Abiatar nga anak ni Ahimelek mikagiw ngadto kang David sa Keila, milugsong siya nga dala ang usa ka ephod diha sa iyang kamot.

Cross References

1 Mga Hari 2:26

Unya miingon ang hari kang Abiatar nga pari, “Lakaw ngadto sa Anatot sa imong yuta kay ikaw angay sa kamatayon. Apan ikaw dili nako patyon niining panahona kay ikaw nagdala sa sudlanan sa kasabotan sa Ginoong Dios sa atubangan ni David nga akong amahan, ug tungod kay ikaw nakig-ambit sa tanan nga kasakit sa akong amahan.”

Exodo 28:6

Ug magbuhat sila ug ephod gikan sa bulawan ug sa asul ug tapol ug lutong pula nga delana ug lino nga pinong pagkalubid nga binuhat sa mga batid nga magbubuhat.

1 Samuel 14:18

Ug si Saul miingon kang Ahias, “Dad-a dinhi ang sudlanan sa kasabotan sa Dios.” Kay ang sudlanan sa kasabotan sa Dios didto niadtong adlawa uban sa katawhan sa Israel.

1 Samuel 14:3

Ug si Ahias nga anak ni Ahitub nga igsoong lalaki ni Icabod nga anak ni Pinehas nga anak ni Eli, ang pari sa Ginoo sa Silo, nagsul-ob ug ephod. Ug ang katawhan wala mahibalo nga si Jonatan milakaw.

1 Samuel 22:20

Apan usa sa mga anak ni Ahimelek nga anak ni Ahitub, nga ginganlan ug Abiatar, nakaikyas ug mikagiw sunod kang David.

1 Samuel 23:2

Busa si David nagpakisayod sa Ginoo, “Moadto ba ako ug mosulong sa mga Filistihanon?” Ug ang Ginoo miingon kang David, “Lakaw ug sulonga ang mga Filistihanon ug luwasa ang Keila.”

1 Samuel 23:5

Ug si David ug ang iyang mga tawo nangadto sa Keila ug nakig-away sa mga Filistihanon ug gidala ang ilang kahayopan ug naghimo sila ug usa ka dakong pagpamatay diha kanila. Busa naluwas ni David ang mga nagpuyo sa Keila.

1 Samuel 23:7

Unya gisuginlan si Saul nga si David miadto sa Keila. Ug si Saul miingon, “Ang Dios naghatag kaniya sa akong kamot kay natakpan siya sa dihang misulod sa usa ka lungsod nga may mga ganghaan ug mga trangka.”

1 Samuel 23:9

Si David nahibalo nga si Saul naglaraw ug daotan batok kaniya ug siya miingon kang Abiatar nga pari, “Dad-a nganhi ang ephod.”

1 Samuel 30:7

Si David miingon kang Abiatar nga pari ang anak ni Ahimelek, “Dad-a dinhi kanako ang ephod.” Busa gidala ni Abiathar ang ephod ngadto kang David.