1 Samuel 23:4

Ang Biblia 2011

Busa nagpakisayod pag-usab si David sa Ginoo. Ug ang Ginoo mitubag kaniya, “Tindog ug lugsong ngadto sa Keila kay itugyan nako ang mga Filistihanon nganha sa imong kamot.”

Cross References

2 Samuel 2:1

Human niini si David nagpakisayod sa Ginoo, “Motungas ba ako ngadto sa bisan diin nga lungsod sa Juda?” Ug ang Ginoo miingon kaniya, “Tungas.” Ug si David miingon, “Asa man ako motungas?” Ug siya miingon, “Ngadto sa Hebron.”

2 Samuel 5:19

Ug si David nagpakisayod sa Ginoo, “Motungas ba ako batok sa mga Filistihanon? Itugyan ba nimo sila sa akong kamot?” Ug ang Ginoo miingon kang David, “Tungas, kay itugyan gayod nako ang mga Filistihanon nganha sa imong kamot.”

2 Mga Hari 3:18

Usa lamang kini ka sayon nga butang sa panan-aw sa Ginoo. Itugyan usab niya ang mga Moabihanon nganha sa inyong kamot,

1 Cronicas 14:10

Ug si David nagpakisayod sa Dios, “Moadto ba ako batok sa mga Filistihanon? Itugyan ba nimo sila sa akong kamot?” Ug ang Ginoo miingon kaniya, “Adto ug itugyan nako sila sa imong kamot.”

Josue 8:7

Unya manindog kamo gikan sa inyong gitagoan ug iloga ninyo ang siyudad kay ang Ginoo nga inyong Dios maghatag niini nganha sa inyong kamot.

Mga Maghuhukom 6:39

Unya si Gideon miingon sa Dios, “Ayaw pasilaoba ang imong kasuko batok kanako. Pasultia ako sa makausa na lamang: tugoti ako sa pagsulay niini sa makausa na lamang pinaagi sa balhibo. Uga lamang unta ang balhibo ug diha lamang sa tibuok sa yuta ang adunay tun-og.”

Mga Maghuhukom 7:7

Unya ang Ginoo miingon kang Gideon, “Pinaagi niining tulo ka gatos ka tawo nga mitilap, luwason nako ikaw, ug ihatag nako ang mga Midianhon nganha sa imong kamot. Ug papaulia sa ilang balay ang uban.”

Mga Maghuhukom 7:9

Niadtong gabhiona ang Ginoo miingon kaniya, “Tindog, lugsong ngadto sa kampo kay gihatag na nako kini nganha sa imong kamot.

1 Samuel 10:22

Busa nangutana sila pag-usab sa Ginoo, “Nakaanhi na ba ang tawo?” Ug ang Ginoo miingon, “Anaa nagtago siya sa iyang kaugalingon ipon sa mga binantal.”

1 Samuel 23:2

Busa si David nagpakisayod sa Ginoo, “Moadto ba ako ug mosulong sa mga Filistihanon?” Ug ang Ginoo miingon kang David, “Lakaw ug sulonga ang mga Filistihanon ug luwasa ang Keila.”

1 Samuel 23:3

Apan ang mga tawo ni David miingon kaniya, “Tan-awa, nahadlok man gani kita dinhi sa Juda, unsa pa kaha kon moadto kita sa Keila batok sa kasundalohan sa mga Filistihanon?”

1 Samuel 23:5

Ug si David ug ang iyang mga tawo nangadto sa Keila ug nakig-away sa mga Filistihanon ug gidala ang ilang kahayopan ug naghimo sila ug usa ka dakong pagpamatay diha kanila. Busa naluwas ni David ang mga nagpuyo sa Keila.

1 Samuel 28:6

Sa diha nga nagpakisayod si Saul sa Ginoo, ang Ginoo wala motubag kaniya, bisan pinaagi sa mga damgo o pinaagi sa Urim o pinaagi sa mga propeta.

1 Samuel 30:8

Ug si David nagpakisayod sa Ginoo, “Gukdon ba nako kining maong panon sa mga sundalo? Maapsan kaha nako sila?” Ug siya mitubag kaniya, “Gukda, kay sa walay duhaduha maapsan gayod nimo sila ug maluwas gayod nimo sila.”