1 Samuel 23:3

Ang Biblia 2011

Apan ang mga tawo ni David miingon kaniya, “Tan-awa, nahadlok man gani kita dinhi sa Juda, unsa pa kaha kon moadto kita sa Keila batok sa kasundalohan sa mga Filistihanon?”

Cross References

Salmo 11:1

Diha sa Ginoo midangop ako; unsaon ninyo pag-ingon kanako, “Palayo ngadto sa kabukiran sama sa usa ka langgam;

Jeremias 12:5

“Kon ikaw nakiglumba sa mga tawo nga manglakaw ug sila nakapakapoy kanimo, unsaon man nimo pagpakiglumba sa mga kabayo? Ug kon diha sa yuta nga walay kakuyaw ikaw mapukan, unsa may imong mahimo diha sa kalasangan sa Jordan?

1 Samuel 23:15

Nakita ni David nga si Saul migula aron sa pagpatay kaniya. Si David didto sa Kamingawan sa Zif sa Hores.

1 Samuel 23:2

Busa si David nagpakisayod sa Ginoo, “Moadto ba ako ug mosulong sa mga Filistihanon?” Ug ang Ginoo miingon kang David, “Lakaw ug sulonga ang mga Filistihanon ug luwasa ang Keila.”

1 Samuel 23:23

Busa tan-awa ug panid-i ang tanang mga dapit diin siya magtago ug balik kamo dinhi kanako nga may tino nga kasayoran. Unya mouban ako kaninyo ug kon mahitabo nga atua siya sa yuta, pangitaon gayod nako siya diha sa mga linibo sa Juda.”

1 Samuel 23:26

Si Saul miadto sa pikas nga bahin sa bukid, ug si David ug ang iyang mga tawo sa pikas nga bahin sa bukid, ug si David nagdali sa pagpalayo gikan kang Saul, kay si Saul ug ang iyang mga tawo naglibot kang David ug sa iyang mga tawo aron sa pagdakop kanila.

1 Samuel 23:4

Busa nagpakisayod pag-usab si David sa Ginoo. Ug ang Ginoo mitubag kaniya, “Tindog ug lugsong ngadto sa Keila kay itugyan nako ang mga Filistihanon nganha sa imong kamot.”