1 Samuel 23:23

Ang Biblia 2011

Busa tan-awa ug panid-i ang tanang mga dapit diin siya magtago ug balik kamo dinhi kanako nga may tino nga kasayoran. Unya mouban ako kaninyo ug kon mahitabo nga atua siya sa yuta, pangitaon gayod nako siya diha sa mga linibo sa Juda.”

Cross References

1 Mga Hari 18:10

Ingon nga ang Ginoo nga imong Dios buhi, walay nasod o gingharian, diin ang akong agalon wala magpasugo sa pagpangita kanimo ug kon moingon sila, ‘Siya wala dinhi,’ siya naghimo ug usa ka panumpa sa gingharian o nasod nga wala ikaw nila makit-i.

2 Mga Hari 6:13

Ug siya miingon, “Lakaw ug tan-awa kon hain siya, aron ako magpadala ug ipadakop siya.” Ug gisuginlan siya, “Atua siya sa Dotan.”

Salmo 10:8

Naghupo siya sa mga atanganan diha sa kabalangayan; sa mga dapit nga tagoanan gipatay niya ang walay sala. Ang iyang mga mata naniid batok sa kabos,

Mga Panultihon 1:16

kay ang ilang mga tiil nagdagan padulong sa kadaotan ug sila nagdali aron sa pag-ula ug dugo.

Miqueas 5:2

Apan ikaw, O Betlehem Efrata, ikaw nga gamayng lungsod diha sa kabanayan sa Juda, gikan kanimo mogula alang kanako ang mahimong tigmando sa Israel, nga ang kagikan gikan pa sa kanhing panahon, gikan sa kakaraanan.

Numeros 10:36

Ug sa diha nga kini ipahimutang, siya moingon, “Balik, O Ginoo, ngadto sa napulo ka libo sa mga linibo sa Israel.”

Marcos 14:1

Duha na lang ka adlaw sa dili pa ang Kasaulogan sa Pagsaylo ug ang Kasaulogan sa Pan nga Walay Patubo. Ug ang mga pangulong pari ug ang mga eskriba naglaraw kon unsaon nila sa pagdakop kang Jesus pinaagi sa lingla ug sa pagpatay kaniya,

1 Samuel 23:22

Lakaw, tinoa pa gayod, susiha ug tan-awa ang dapit nga iyang kanunayan ug si kinsa ang nakakita kaniya didto, kay gisugilon kanako nga siya igmat kaayo.

1 Samuel 23:24

Ug sila nanindog ug nangadto sa Zif nga nag-una kang Saul. Si David ug ang iyang mga tawo didto sa kamingawan sa Maon, sa Araba dapit sa habagatan sa Jesimon.

1 Samuel 24:11

Tan-awa, akong amahan, ang sidsid sa imong bisti sa akong kamot, kay nianang pagputol nako sa sidsid sa imong bisti ug nga wala ikaw nako patya, mahibaloan nimo ug makita nga wala gayoy daotan o paglapas sa akong kamot. Wala ako makasala batok kanimo bisan pa ug nangita ikaw sa akong kinabuhi aron sa pagkuha niini.