1 Samuel 23:21

Ang Biblia 2011

Ug si Saul miingon, “Panalanginan unta kamo sa Ginoo kay kamo naluoy kanako.

Cross References

Genesis 20:13

Ug sa dihang gipagula ako sa Dios sa paglangyaw gikan sa balay sa akong amahan, ako miingon kang Sarah, ‘Kini mao ang kaluoy nga imong ipakita kanako, nga sa tanan nga dapit diin kita makaabot, moingon ikaw mahitungod kanako, “Siya akong igsoon.” ’ ”

2 Samuel 2:5

si David nagpadala ug mga sulugoon ngadto sa mga tawo sa Jabes-gilead, ug miingon kanila, “Panalanginan unta kamo sa Ginoo kay gipakita ninyo kining maong pagkamaunongon ngadto kang Saul nga inyong agalon ug gilubong ninyo siya!

Salmo 10:3

Kay ang daotan nagpasigarbo sa mga pangandoy sa iyang kasingkasing ug ang tawong hakog nagtunglo ug nagsalikway sa Ginoo.

Isaias 66:5

Pamatia ang pulong sa Ginoo, kamo nga nagkurog tungod sa iyang pulong: “Ang inyong kaigsoonan nga nagdumot kaninyo, ug nagsalikway kaninyo tungod sa akong ngalan nag-ingon, ‘Ipahimaya ang Ginoo, aron makita namo ang inyong kalipay’; apan sila mao ang pakaulawan.

Miqueas 3:11

Ang mga pangulo niini naghukom alang sa suborno, ang mga pari niini nagtudlo alang sa suhol, ang mga propeta niini nagpropesiya alang sa salapi; bisan pa niini sila nagsandig sa Ginoo ug nag-ingon, “Dili ba ang Ginoo ania taliwala kanato? Walay kadaot nga moabot kanato.”

Mga Maghuhukom 17:2

Ug siya miingon sa iyang inahan, “Ang napulo ug usa ka gatos ka buok salaping plata nga gikuha gikan kanimo, nga mahitungod niini ikaw namulong ug usa ka tunglo, ug misulti usab ikaw niini sa akong mga dalunggan, tan-awa ang salapi ania kanako. Gikuha nako kini.” Ug ang iyang inahan miingon, “Panalanginan unta sa Ginoo ang akong anak.”

1 Samuel 15:13

Si Samuel miadto kang Saul, ug si Saul miingon kaniya, “Panalanginan unta ikaw sa Ginoo! Ako nagbuhat sa sugo sa Ginoo.”

1 Samuel 22:8

nga kamong tanan nagkasabot man batok kanako? Walay bisan usa nga mitug-an kanako sa diha nga ang akong anak nakig-abin sa anak ni Jesse, ug walay bisan usa kaninyo nga nagsubo alang kanako o misulti kanako nga ang akong anak nagdasig sa akong sulugoon batok kanako sa pag-atang kanako sama niining adlawa.”

1 Samuel 23:22

Lakaw, tinoa pa gayod, susiha ug tan-awa ang dapit nga iyang kanunayan ug si kinsa ang nakakita kaniya didto, kay gisugilon kanako nga siya igmat kaayo.