1 Samuel 23:2

Ang Biblia 2011

Busa si David nagpakisayod sa Ginoo, “Moadto ba ako ug mosulong sa mga Filistihanon?” Ug ang Ginoo miingon kang David, “Lakaw ug sulonga ang mga Filistihanon ug luwasa ang Keila.”

Cross References

2 Samuel 2:1

Human niini si David nagpakisayod sa Ginoo, “Motungas ba ako ngadto sa bisan diin nga lungsod sa Juda?” Ug ang Ginoo miingon kaniya, “Tungas.” Ug si David miingon, “Asa man ako motungas?” Ug siya miingon, “Ngadto sa Hebron.”

2 Samuel 5:19

Ug si David nagpakisayod sa Ginoo, “Motungas ba ako batok sa mga Filistihanon? Itugyan ba nimo sila sa akong kamot?” Ug ang Ginoo miingon kang David, “Tungas, kay itugyan gayod nako ang mga Filistihanon nganha sa imong kamot.”

2 Samuel 5:23

Sa diha nga si David nagpakisayod sa Ginoo, siya miingon, “Ikaw dili motungas, lipot ngadto sa ilang luyo, ug asdanga sila atbang sa mga kahoy nga balsamo.

1 Cronicas 14:10

Ug si David nagpakisayod sa Dios, “Moadto ba ako batok sa mga Filistihanon? Itugyan ba nimo sila sa akong kamot?” Ug ang Ginoo miingon kaniya, “Adto ug itugyan nako sila sa imong kamot.”

Salmo 32:8

Pahimatngonan nako ikaw ug tudloan sa dalan nga imong laktan; tambagan nako ikaw uban ang akong mga mata nganha kanimo.

Jeremias 10:23

Nasayod ako, O Ginoo, nga ang dalan sa tawo wala diha sa iyang kaugalingon, nga wala diha sa tawo nga molakaw aron sa pagtultol sa iyang mga lakang.

Numeros 27:21

Ug siya mobarog sa atubangan ni Eleasar nga pari nga maoy magpakisayod alang kaniya sa paghukom sa Urim sa atubangan sa Ginoo. Sa iyang pulong manggula sila ug sa iyang pulong manulod sila, siya ug ang tanang katawhan sa Israel uban kaniya, ang tibuok nga katilingban.”

Josue 9:14

Busa ang mga tawo nakigsalo sa ilang balon, ug wala mangayo ug tambag gikan sa Ginoo.

Mga Maghuhukom 1:1

Human sa kamatayon ni Josue, ang katawhan sa Israel nangutana sa Ginoo, “Kinsa man ang mouna pagtungas alang kanamo batok sa mga Canaanhon, aron sa pagpakig-away batok kanila?”

1 Samuel 10:22

Busa nangutana sila pag-usab sa Ginoo, “Nakaanhi na ba ang tawo?” Ug ang Ginoo miingon, “Anaa nagtago siya sa iyang kaugalingon ipon sa mga binantal.”

1 Samuel 14:37

Ug si Saul nagpakisayod sa Dios, “Molugsong ba ako sunod sa mga Filistihanon? Itugyan ba nimo sila ngadto sa kamot sa Israel?” Apan wala siya motubag kaniya niadtong adlawa.

1 Samuel 23:3

Apan ang mga tawo ni David miingon kaniya, “Tan-awa, nahadlok man gani kita dinhi sa Juda, unsa pa kaha kon moadto kita sa Keila batok sa kasundalohan sa mga Filistihanon?”

1 Samuel 23:4

Busa nagpakisayod pag-usab si David sa Ginoo. Ug ang Ginoo mitubag kaniya, “Tindog ug lugsong ngadto sa Keila kay itugyan nako ang mga Filistihanon nganha sa imong kamot.”

1 Samuel 23:6

Sa diha nga si Abiatar nga anak ni Ahimelek mikagiw ngadto kang David sa Keila, milugsong siya nga dala ang usa ka ephod diha sa iyang kamot.

1 Samuel 30:8

Ug si David nagpakisayod sa Ginoo, “Gukdon ba nako kining maong panon sa mga sundalo? Maapsan kaha nako sila?” Ug siya mitubag kaniya, “Gukda, kay sa walay duhaduha maapsan gayod nimo sila ug maluwas gayod nimo sila.”