1 Samuel 23:17

Ang Biblia 2011

Ug siya miingon kaniya, “Ayaw kahadlok kay ang kamot ni Saul nga akong amahan dili makakita kanimo ug ikaw mahimong hari ibabaw sa Israel, ug ako ang sunod nimo, ug si Saul nga akong amahan nahibalo usab niini.”

Cross References

Salmo 118:6

Uban kanako ang Ginoo, dili ako mahadlok. Unsay mahimo sa tawo kanako?

Mga Panultihon 14:26

Diha sa pagkahadlok sa Ginoo ang tawo adunay lig-on nga pagsalig, ug ang iyang mga anak adunay dalangpanan.

Mga Panultihon 19:21

Daghan ang mga plano sa kasingkasing sa usa ka tawo, apan ang katuyoan sa Ginoo mao ang molungtad.

Isaias 35:3

Lig-ona ang mga kamot nga luya, ug lig-ona ang mga tuhod nga huyang.

Isaias 35:4

Ingna sila nga adunay mahadlokon nga kasingkasing, “Pagmalig-on, ayaw kahadlok! Tan-awa, ang inyong Dios moanhi uban ang panimalos, uban ang pagbalos sa Dios. Siya moanhi ug magluwas kaninyo.”

Isaias 41:10

ayaw kahadlok, kay ania ako uban kanimo, ayaw kabalaka, kay ako mao ang imong Dios; lig-onon ko ikaw ug tabangan ko ikaw, ituboy ko ikaw pinaagi sa akong madaogon nga tuong kamot.

Isaias 41:14

Ayaw kahadlok, ikaw ulod nga Jacob, kamong mga tawo sa Israel! Ako motabang kanimo, miingon ang Ginoo; ang imong Manunubos mao ang Balaan sa Israel.

Isaias 54:17

walay hinagiban nga gibuhat batok kanimo nga magmalamposon, ug imong pamatud-an nga sayop ang matag dila nga maghukom batok kanimo. Kini mao ang panulundon sa mga sulugoon sa Ginoo, ug ang ilang pagkamatarong nga gikan kanako, nag-ingon ang Ginoo.”

Lucas 12:32

“Ayaw kahadlok, gamayng panon, kay gikahimuot sa inyong Amahan ang paghatag kaninyo sa gingharian.

Mga Buhat 28:16

Sa pag-abot namo sa Roma, si Pablo gitugotan sa pagpuyo nga siya ra, uban sa sundalo nga nagbantay kaniya.

Mga Buhat 5:39

apan kon kini iya man sa Dios, dili gayod kamo makapugong kanila. Makita pa hinuon kamo nga nakigbatok sa Dios!”

Roma 15:24

malaomon ako nga makita ko na gayod kamo inig-agi ko diha paingon sa Espanya, ug aron mapagikan ako ninyo paingon didto human ako malipay sa pagpakig-uban kaninyo sa mubong panahon.

Mga Hebreo 13:6

Busa makaingon kita nga masaligon, “Ang Ginoo mao ang akong magtatabang, dili ako mahadlok; unsa may mahimo sa tawo kanako?”

1 Samuel 20:31

Kay samtang ang anak ni Jesse buhi sa ibabaw sa yuta, ikaw o ang imong gingharian dili mapahiluna. Busa karon pasugoi ug dad-a siya ngari kanako, kay siya mamatay gayod.”

1 Samuel 22:23

Pabilin uban kanako, ayaw kahadlok kay siya nga nagtinguha sa akong kinabuhi nagtinguha sa imong kinabuhi. Uban kanako ikaw layo sa kakuyaw.”

1 Samuel 24:19

Kay kon ang usa ka tawo makakita sa iyang kaaway, buhian ba kaha niya siya nga walay kadaot? Busa ang Ginoo magbalos unta kanimo sa maayo tungod sa imong gibuhat kanako niining adlawa.

1 Samuel 24:20

Ug karon ako nahibalo nga ikaw sa walay duhaduha mahimong hari ug nga ang gingharian sa Israel malig-on diha sa imong kamot.

1 Samuel 24:21

Busa panumpa kanako tungod sa Ginoo nga dili nimo puohon ang akong kaliwat sunod kanako ug dili papason ang akong ngalan sa balay sa akong amahan.”

1 Samuel 24:4

Ug ang mga tawo ni David miingon kaniya, “Mao kining adlawa ang giingon sa Ginoo kanimo, ‘Tan-awa, akong itugyan ang imong kaaway nganha sa imong kamot ug ikaw magbuhat ngadto kaniya sa unsay maayo alang kanimo.’ ” Unya si David mitindog ug gitabasan sa hilom ang sidsid sa bisti ni Saul.

1 Samuel 25:30

Ug sa diha nga ang Ginoo maghimo sa akong agalon sumala sa tanang kaayohan nga iyang gisugilon mahitungod kanimo, ug magpili na kanimo nga pangulo ibabaw sa Israel,