1 Samuel 22:3

Ang Biblia 2011

Unya si David milakaw gikan didto ngadto sa Mispa sa Moab, ug siya miingon sa hari sa Moab, “Ako naghangyo kanimo, itugot nga ang akong amahan ug ang akong inahan magpabilin uban kanimo, hangtod nga mahibalo ako sa buhaton sa Dios kanako.”

Cross References

Genesis 47:11

Busa gipahiluna ni Jose ang iyang amahan ug ang iyang mga igsoon, ug iyang gihatag kanila ang usa ka katigayonan sa yuta sa Ehipto, sa labing maayo nga yuta, sa yuta ni Rameses sumala sa gisugo sa Paraon.

2 Samuel 8:2

Iyang gibuntog ang Moab ug gisukod sila pinaagi sa pisi ug gipahigda sila sa yuta. Ang duha ka laray iyang gisukod aron patyon ug luwason niya ang usa ka laray. Ug ang mga Moabihanon nahimong mga sulugoon ni David ug naghatag ug buhis.

Exodo 20:12

“Tahora ang imong amahan ug ang imong inahan aron mataas ang imong mga adlaw sa yuta nga gihatag kanimo sa Ginoo nga imong Dios.

1 Timoteo 5:4

Ug kon ang biyuda adunay mga anak o mga apo, patun-a una sila sa ilang diosnong katungdanan ngadto sa ilang kaugalingong panimalay ug sa paghatag ug balos ngadto sa ilang mga ginikanan kay kini kahimut-an sa atubangan sa Dios.

Mga Maghuhukom 11:29

Unya ang Espiritu sa Ginoo mikunsad kang Jefta ug miagi siya sa Gilead ug Manases ug miagi sa Mispa sa Gilead, ug gikan sa Mispa sa Gilead, miagi siya ngadto sa mga Amonihanon.

Ruth 4:10

Ug usab si Ruth nga Moabihanon, ang asawa ni Malon, gipalit nako ingon nga akong asawa, aron sa pagpadayon sa ngalan sa namatay diha sa iyang panulundon, aron ang ngalan sa namatay dili mawala gikan sa iyang mga kaigsoonan ug gikan sa ganghaan sa iyang kaugalingong dapit. Kamo ang mga saksi niining adlawa.”

Ruth 4:17

Ug ang mga babaye nga iyang silingan mihatag kaniya ug usa ka ngalan nga nag-ingon, “May usa ka anak nga lalaki ang natawo kang Naomi.” Ug ilang ginganlan siya ug Obed. Siya ang amahan ni Jesse nga amahan ni David.

1 Samuel 14:47

Sa diha nga si Saul nakadawat na sa gingharian sa Israel, nakigbatok siya sa tanan niyang mga kaaway nga anaa sa matag kilid, batok sa Moab, batok sa mga Amonihanon, batok sa Edom, batok sa mga hari sa Zoba ug batok sa mga Filistihanon; bisan asa siya paingon, iyang gibutang sila sa pagkaalaot.

1 Samuel 22:2

Ang matag usa nga adunay kasakit, ug ang matag usa nga adunay utang, ug ang matag usa nga adunay pagmulo naghugpong sa ilang kaugalingon ngadto kaniya ug siya nahimong pangulo nila, ug dihay mga upat ka gatos ka tawo uban kaniya.

1 Samuel 22:4

Ug gibilin niya sila sa hari sa Moab, ug sila nagpuyo uban kaniya sa tibuok panahon samtang si David diha sa sulod sa kuta.

1 Samuel 3:18

Busa si Samuel misugilon kaniya sa tanan ug walay gitago nga bisan unsa gikan kaniya. Ug si Eli miingon, “Siya mao ang Ginoo, ug ipabuhat kaniya kon unsay maayo alang kaniya.”