1 Samuel 22:23

Ang Biblia 2011

Pabilin uban kanako, ayaw kahadlok kay siya nga nagtinguha sa akong kinabuhi nagtinguha sa imong kinabuhi. Uban kanako ikaw layo sa kakuyaw.”

Cross References

2 Samuel 9:7

Ug si David miingon kaniya, “Ayaw kahadlok kay ako magpakita kanimo ug kaluoy tungod ug alang kang Jonatan nga imong amahan, ug iuli nako kanimo ang tanang yuta ni Saul nga imong apohan, ug anhi ka na magkaon kanunay sa akong lamisa.”

1 Mga Hari 1:7

Ug siya nakigsabot kang Joab nga anak ni Zeruia, ug uban kang Abiatar nga pari ug sila misunod kang Adonias, ug mitabang kaniya.

1 Mga Hari 2:26

Unya miingon ang hari kang Abiatar nga pari, “Lakaw ngadto sa Anatot sa imong yuta kay ikaw angay sa kamatayon. Apan ikaw dili nako patyon niining panahona kay ikaw nagdala sa sudlanan sa kasabotan sa Ginoong Dios sa atubangan ni David nga akong amahan, ug tungod kay ikaw nakig-ambit sa tanan nga kasakit sa akong amahan.”

Mateo 24:9

“Unya itugyan nila kamo ngadto sa kalisdanan ug ipapatay kamo ug dumtan sa tanang kanasoran tungod sa akong ngalan.

Juan 15:20

Hinumdomi ang pulong nga akong gisulti kaninyo, ‘Ang ulipon dili labaw sa iyang agalon.’ Kon sila naglutos kanako, sila maglutos usab kaninyo. Kon sila nagtuman sa akong pulong, sila motuman usab sa inyong pulong.

Juan 17:12

Samtang uban pa ako kanila, gibantayan nako sila pinaagi sa imong ngalan nga gihatag nimo kanako, ug gibantayan nako sila ug walay usa kanila nga nalaglag gawas sa anak sa kalaglagan aron matuman ang kasulatan.

Juan 18:9

Kini aron matuman ang pulong nga iyang gisulti, “Sa mga gitugyan kanako, wala ako kawad-i bisan ug usa.”

1 Samuel 23:17

Ug siya miingon kaniya, “Ayaw kahadlok kay ang kamot ni Saul nga akong amahan dili makakita kanimo ug ikaw mahimong hari ibabaw sa Israel, ug ako ang sunod nimo, ug si Saul nga akong amahan nahibalo usab niini.”