1 Samuel 22:2

Ang Biblia 2011

Ang matag usa nga adunay kasakit, ug ang matag usa nga adunay utang, ug ang matag usa nga adunay pagmulo naghugpong sa ilang kaugalingon ngadto kaniya ug siya nahimong pangulo nila, ug dihay mga upat ka gatos ka tawo uban kaniya.

Cross References

2 Samuel 17:8

Unya si Husai miingon, “Ikaw nahibalo nga ang imong amahan ug ang iyang mga tawo mga tawong kusgan, ug sila nangasuko pag-ayo sama sa oso nga gikawatan sa iyang mga anak diha sa kapatagan. Gawas pa niana ang imong amahan batid sa gubat, dili siya makig-uban sa katawhan panahon sa kagabhion.

2 Samuel 5:2

Sa mga panahon nga nangagi sa diha nga si Saul mao pa ang hari sa ibabaw namo, ikaw mao ang nagmando sa paggula ug sa pagsulod sa Israel, ug ang Ginoo miingon kanimo, ‘Ikaw mahimong tigbantay sa akong katawhan nga Israel ug ikaw ang mahimong pangulo sa Israel.’ ”

2 Mga Hari 20:5

“Balik ug ingna si Hesekias nga pangulo sa akong katawhan, Kini mao ang gisulti sa Ginoo, ang Dios ni David nga imong amahan: Nadungog nako ang imong pag-ampo, nakita nako ang imong mga luha; ikaw akong ayohon; sa ikatulo nga adlaw kinahanglan nga moadto ikaw sa balay sa Ginoo.

2 Mga Hari 4:1

Unya ang asawa sa usa sa mga anak sa mga propeta mihilak ngadto kang Eliseo, “Ang imong sulugoon nga akong bana namatay ug ikaw nahibalo nga ang imong sulugoon mahadlokon sa Ginoo ug ang tigpautang ug salapi ania aron sa pagkuha sa akong duha ka anak aron himoon niyang ulipon.”

Mga Panultihon 31:6

Hatagi ug isog nga ilimnon kadtong hapit na mamatay, ug bino kadtong anaa sa pait nga kagul-anan;

Mateo 11:12

Sukad sa mga adlaw ni Juan nga Tigbautismo hangtod karon, ang gingharian sa langit nahiagom sa kapintas ug ang mga mapintas milugos sa pag-angkon niini.

Mateo 11:28

Duol kanako, kamong tanan nga nagbudlay ug nabug-atan ug papahulayon ko kamo.

Mga Hebreo 2:10

Kay angay gayod kaniya nga alang kaniya ug pinaagi kaniya naglungtad ang tanang butang, nga sa iyang pagdala sa daghang mga anak ngadto sa himaya, iyang hingpiton pinaagi sa mga pag-antos ang nagpasiugda sa ilang kaluwasan.

Mga Maghuhukom 11:3

Unya si Jefta mikagiw gikan sa iyang mga igsoon ug mipuyo sa yuta sa Tob ug didto natigom kang Jefta ang mga tawong walay pulos ug nanguban sila kaniya.

Mga Maghuhukom 18:25

Ang mga Danihanon miingon kaniya, “Ayaw ipadungog ang imong tingog kanamo kay tingali unya ug may mga tawo nga masuko ug modasmag kanimo ug mawad-an ikaw sa imong kinabuhi uban sa mga kinabuhi sulod sa imong panimalay.”

1 Samuel 1:10

Naguol pag-ayo si Hana ug nag-ampo siya sa Ginoo ug mihilak pag-ayo.

1 Samuel 22:3

Unya si David milakaw gikan didto ngadto sa Mispa sa Moab, ug siya miingon sa hari sa Moab, “Ako naghangyo kanimo, itugot nga ang akong amahan ug ang akong inahan magpabilin uban kanimo, hangtod nga mahibalo ako sa buhaton sa Dios kanako.”

1 Samuel 23:13

Unya si David ug ang iyang mga tawo nga mga unom ka gatos mitindog ug mibiya gikan sa Keila ug nangadto sa bisan diin nga dapit nga ilang kaadtoan. Ug sa dihang gisugilon kang Saul nga si David miikyas gikan sa Keila, wala siya mopadayon sa pag-adto.

1 Samuel 25:13

Ug si David miingon sa iyang mga tawo, “Ang matag usa magtakin sa iyang espada!” Ug ang matag usa kanila mitakin sa iyang espada, ug si David nagtakin usab sa iyang espada, ug mga upat ka gatos ka tawo ang mikuyog kang David, samtang ang duha ka gatos mipabilin uban sa mga dala.

1 Samuel 30:6

Si David nasubo sa hilabihan, kay ang katawhan naghisgot sa pagbato kaniya, tungod kay ang kalag sa tibuok katawhan naguol pag-ayo, ang matag usa alang sa iyang mga anak nga lalaki ug sa iyang mga anak nga babaye. Apan si David naglig-on sa iyang kaugalingon diha sa Ginoo nga iyang Dios.

1 Samuel 9:16

“Ugma sa mga ingon niining taknaa padad-an ko ikaw ug usa ka tawo gikan sa yuta sa Benjamin, ug ikaw magdihog kaniya ingon nga pangulo ibabaw sa akong katawhan nga Israel. Siya mao ang moluwas sa akong katawhan gikan sa kamot sa mga Filistihanon, kay akong nakita ang akong katawhan tungod kay ang ilang pagtuaw midangat kanako.”