1 Samuel 22:17

Ang Biblia 2011

Unya ang hari miingon ngadto sa bantay nga nagtindog tupad niya, “Liso ug patya ang mga pari sa Ginoo tungod kay ang ilang kamot uban usab kang David, ug sila nahibalo nga siya mikagiw ug wala magtug-an niana ngari kanako.” Apan ang mga sulugoon sa hari wala mobakyaw sa ilang kamot batok sa mga pari sa Ginoo.

Cross References

2 Samuel 15:1

Human niini, si Absalom nag-andam ug usa ka karwahi ug mga kabayo ug 50 ka tawo nga modagan una kaniya.

1 Mga Hari 1:5

Unya si Adonias, ang anak nga lalaki ni Hagit nagpagarbo sa iyang kaugalingon, nga nag-ingon, “Ako mahimong hari.” Ug siya nangandam alang sa iyang kaugalingon ug mga karwahi ug mga tigpangabayo ug 50 ka tawo nga magdagan una kaniya.

1 Mga Hari 14:27

Ug si Hari Rehoboam naghimo ug mga taming nga bronsi puli niini ug gitugyan niya kini ngadto sa kamot sa mga tinugyanan sa mga bantay nga nagbantay sa ganghaan sa balay sa hari.

1 Mga Hari 18:4

Ug sa dihang gipamatay ni Jesebel ang mga propeta sa Ginoo, si Obadias mikuha ug usa ka gatos ka propeta ug gipatago sila sa mga langob sa tag-50 ug gipakaon sila ug pan ug tubig.

2 Mga Hari 10:25

Ug sa diha nga nahuman na niya ang paghalad sa halad nga sunogon, si Jehu miingon sa mga bantay ug sa mga tinugyanan, “Sulod, ug pamatya sila! Kinahanglan nga walay bisan usa ka tawo nga makaikyas.” Ug sa gipamatay na nila sila sa espada, ang mga bantay ug ang mga tinugyanan milabay kanila ngadto sa gawas ug miadto sa kinasulorang lawak sa templo ni Baal.

Exodo 1:17

Apan ang mga mananabang nahadlok sa Dios ug wala sila magbuhat sumala sa gisugo kanila sa hari, hinuon ilang gitugotan nga mabuhi ang mga bata nga lalaki.

Mga Buhat 4:19

Apan si Pedro ug si Juan mitubag kanila, “Kon matarong man diha sa panan-aw sa Dios sa pagpamati kaninyo kay sa Dios, hukmi ninyo,

1 Samuel 14:45

Unya ang katawhan miingon kang Saul, “Mamatay ba gayod si Jonatan nga naghimo niining dakong kadaogan sa Israel? Ipahilayo kana. Ingon nga buhi ang Ginoo, walay usa ka lugas nga buhok sa iyang ulo nga matagak sa yuta kay siya nagbuhat uban sa Dios niining adlawa.” Busa ang katawhan milukat kang Jonatan, mao nga wala siya mamatay.

1 Samuel 2:31

Moabot ang adlaw nga akong putlon ang imong kusog ug ang kusog sa balay sa imong amahan aron wala nay matigulang sa imong panimalay.

1 Samuel 20:33

Apan gilabay ni Saul ang iyang bangkaw aron sa pagbangkaw kaniya. Tungod niana nahibaloan ni Jonatan nga ang iyang amahan nagtinguha sa pagpatay kang David.

1 Samuel 22:13

Si Saul miingon kaniya, “Nganong nagsabot kamo batok kanako, ikaw ug ang anak ni Jesse, nga niana ikaw naghatag kaniya ug pan ug usa ka espada ug nagpakisayod sa Dios alang kaniya, aron nga siya moalsa batok kanako, sa pag-atang sama niining adlawa?”

1 Samuel 22:16

Ang hari miingon, “Ikaw mamatay gayod, Ahimelek, ikaw ug ang tibuok panimalay sa imong amahan.”

1 Samuel 25:17

Busa karon hibaloi ug hunahunaa kon unsay imong buhaton, kay daotan ang gitinguha batok sa atong agalon ug batok sa tibuok niyang balay, ug siya usa ka tawo nga daotan ug batasan ug walay si bisan kinsa nga makasulti kaniya.”

1 Samuel 8:11

Siya miingon, “Kini mao ang mga pamaagi sa hari nga maghari kaninyo: kuhaon niya ang inyong mga anak nga lalaki ug ibutang niya sila diha sa iyang mga karwahi ug mga tigpangabayo, ug mag-una sila sa iyang mga karwahi;