1 Samuel 22:16

Ang Biblia 2011

Ang hari miingon, “Ikaw mamatay gayod, Ahimelek, ikaw ug ang tibuok panimalay sa imong amahan.”

Cross References

1 Mga Hari 18:4

Ug sa dihang gipamatay ni Jesebel ang mga propeta sa Ginoo, si Obadias mikuha ug usa ka gatos ka propeta ug gipatago sila sa mga langob sa tag-50 ug gipakaon sila ug pan ug tubig.

1 Mga Hari 19:2

Unya si Jesebel nagpadala ug usa ka sulugoon ngadto kang Elias nga nag-ingon, “Buhaton unta sa mga dios kanako, ug labaw pa usab, kon dili nako mahimo ang imong kinabuhi nga sama sa kinabuhi sa usa kanila sa pagkaugma ingon niining taknaa.”

Ester 3:6

Apan wala siya makaugon nga si Mardoqueo lamang ang patyon. Busa sa dihang gipahibalo nila kaniya ang katawhan ni Mardoqueo, si Haman nagtinguha sa paglaglag sa tanang mga Judio, ang katawhan ni Mardoqueo, sa tibuok gingharian ni Ahasuero.

Mga Panultihon 28:15

Sama sa usa ka liyon nga nagngulob o sa usa ka oso nga kadasmagon ang usa ka daotan nga pangulo ngadto sa kabos nga katawhan.

Daniel 2:12

Tungod niini ang hari nasuko ug napungot sa hilabihan ug nagsugo nga pamatyon ang tanang maalamon nga mga tawo sa Babilonia.

Daniel 2:5

Ang hari mitubag sa mga Caldeanhon, “Ang pulong gikan kanako dili kaduhaduhaan: kon kamo dili makapahibalo kanako sa damgo ug sa hubad niini, wataswatason kamo ug ang inyong mga balay gub-on.

Mateo 2:16

Unya sa pagkakita ni Herodes nga gilansisan lang diay siya sa mga mago, nasuko siya pag-ayo, ug iyang gipaadtoan ug gipapatay ang tanang mga bata nga lalaki sa Betlehem ug sa tanang kasikbit niini, nga may kagulangon nga duha ka tuig ngadto sa ubos, sumala sa panahon nga iyang nasayran gikan sa mga mago.

Mga Buhat 12:19

Sa dihang gipangita ni Herodes si Pedro ug wala niya siya makit-i, iyang gisusi ang mga bantay ug nagsugo nga ipapatay sila. Unya milugsong siya gikan sa Judea ngadto sa Cesarea ug mipabilin didto.

Deuteronomio 24:16

“Ang mga amahan kinahanglang dili patyon tungod sa mga anak, o ang mga anak patyon tungod sa mga amahan. Ang matag usa patyon tungod sa iyang kaugalingong sala.

1 Samuel 14:44

Ug si Saul miingon, “Ang Dios maghimo niana kanako ug labaw pa, ikaw mamatay gayod, Jonatan.”

1 Samuel 20:31

Kay samtang ang anak ni Jesse buhi sa ibabaw sa yuta, ikaw o ang imong gingharian dili mapahiluna. Busa karon pasugoi ug dad-a siya ngari kanako, kay siya mamatay gayod.”

1 Samuel 22:15

Karon bang adlawa ang unang higayon nga ako nagpakisayod sa Dios alang kaniya? Dili! Ayaw itugot sa hari nga magpasangil ug bisan unsa sa iyang sulugoon o sa tibuok nga panimalay sa akong amahan kay ang imong sulugoon walay nahibaloan niining tanan, daghan o diyotay.”

1 Samuel 22:17

Unya ang hari miingon ngadto sa bantay nga nagtindog tupad niya, “Liso ug patya ang mga pari sa Ginoo tungod kay ang ilang kamot uban usab kang David, ug sila nahibalo nga siya mikagiw ug wala magtug-an niana ngari kanako.” Apan ang mga sulugoon sa hari wala mobakyaw sa ilang kamot batok sa mga pari sa Ginoo.