1 Samuel 22:14

Ang Biblia 2011

Unya si Ahimelek mitubag sa hari, “Ug si kinsa sa tanan nimong mga sulugoon ang matinumanon sama kang David nga umagad sa hari, ug pangulo sa imong mga bantay ug tinahod sa imong balay?

Cross References

1 Samuel 17:25

Ang katawhan sa Israel miingon, “Nakakita ba kamo nianang tawhana nga mitungas? Sa walay duhaduha mitungas siya aron sa paghagit sa Israel, ug ang tawo nga makapatay kaniya, himoon nga dato sa hari uban sa dagkong mga bahandi, ug ihatag kaniya sa hari ang iyang anak nga babaye, ug hatagan ug kagawasan ang panimalay sa iyang amahan diha sa Israel.”

1 Samuel 18:13

Busa gipapahawa siya ni Saul gikan sa iyang atubangan, ug gihimo siya nga tigmando sa usa ka libo ug migula siya ug mibalik sa atubangan sa katawhan.

1 Samuel 18:27

si David mitindog ug miadto kuyog sa iyang mga tawo ug gipatay ang duha ka gatos ka tawo sa mga Filistihanon ug gidala ni David ang ilang mga yamis ug gihatag nila kini sa husto nga gidaghanon ngadto sa hari aron siya mahimong umagad sa hari. Ug gipaasawa ni Saul kaniya si Mical nga iyang anak.

1 Samuel 20:32

Unya si Jonatan mitubag kang Saul nga iyang amahan, “Nganong patyon man siya? Unsay iyang nabuhat?”

1 Samuel 21:2

Si David miingon kang Ahimelek nga pari, “Ang hari nagsugo kanako ug usa ka buluhaton ug miingon kanako, ‘Walay usa ka tawo nga mahibalo mahitungod sa butang nga niini ako nagpadala ug nagsugo kanimo.’ Naghimo ako ug kasabotan uban sa mga batan-ong lalaki mahitungod sa usa ka dapit.

1 Samuel 22:13

Si Saul miingon kaniya, “Nganong nagsabot kamo batok kanako, ikaw ug ang anak ni Jesse, nga niana ikaw naghatag kaniya ug pan ug usa ka espada ug nagpakisayod sa Dios alang kaniya, aron nga siya moalsa batok kanako, sa pag-atang sama niining adlawa?”

1 Samuel 24:11

Tan-awa, akong amahan, ang sidsid sa imong bisti sa akong kamot, kay nianang pagputol nako sa sidsid sa imong bisti ug nga wala ikaw nako patya, mahibaloan nimo ug makita nga wala gayoy daotan o paglapas sa akong kamot. Wala ako makasala batok kanimo bisan pa ug nangita ikaw sa akong kinabuhi aron sa pagkuha niini.

1 Samuel 25:28

Naghangyo ako, pasayloa ang sala sa imong sulugoon nga babaye, kay sa pagkatinuod, ang Ginoo maghimo ug usa ka lig-ong balay alang sa akong agalon tungod kay ang akong agalon nakig-away man diha sa mga gubat sa Ginoo, ug ang daotan dili makaplagan diha kanimo sa tanan nimong mga adlaw.

1 Samuel 26:23

Ang Ginoo magganti sa matag tawo tungod sa iyang pagkamatarong ug sa iyang pagkamatinumanon, kay ang Ginoo nagtugyan kanimo nganhi sa akong kamot niining adlawa, ug dili ako mobakyaw sa akong kamot batok sa dinihogan sa Ginoo.