1 Samuel 21:8

Ang Biblia 2011

Si David miingon kang Ahimelek, “Wala bay bangkaw o espada sa imong kamot? Kay wala ako makadala sa akong espada o sa akong mga hinagiban tungod kay ang buluhaton sa hari dinalian.”

Cross References

Ester 8:14

Busa ang mga sinugo nga nagkabayo sa tulin nila nga mga kabayo nga gigamit sa pag-alagad sa hari, midali pagsakay tungod sa sugo sa hari ug ang balaod gihatag didto sa Susa nga mao ang ulohang siyudad.

Lucas 10:4

Ayaw kamo pagdala ug sudlanan sa salapi o bag, o mga sandalyas, ug ayaw kamo paghunong aron sa pagtagad kang bisan kinsa diha sa dalan.

1 Samuel 21:7

Karon dihay usa ka tawo sa mga sulugoon ni Saul nga didto niadtong adlawa nga gihawiran sa atubangan sa Ginoo, ug ang iyang ngalan mao si Doeg nga Edomhanon, ang pangulo sa tanang tigbantay sa kahayopan ni Saul.

1 Samuel 21:9

Ug ang pari miingon, “Ang espada ni Goliat, ang Filistihanon nga imong gipatay didto sa walog sa Ela ania dinhi, giputos ug panapton sa luyo sa ephod, kon imo kanang dad-on kuhaa kana kay walay lain dinhi gawas niana.” Ug si David miingon, “Walay lain sama niana, ihatag kana kanako.”

1 Samuel 22:22

Ug si David miingon kang Abiathar, “Ako nahibalo niadtong adlawa, sa dihang didto si Doeg nga Edomhanon, nga sa walay duhaduha mosugilon gayod siya kang Saul. Ako ang nakaingon sa kamatayon sa tanang mga tawo sa panimalay sa imong amahan.

1 Samuel 22:9

Unya mitubag si Doeg nga Edomhanon nga nagtindog tupad sa mga sulugoon ni Saul ug miingon, “Nakita nako ang anak ni Jesse nga nagpadulong sa Nob, ngadto kang Ahimelek nga anak ni Ahitub,