1 Samuel 21:12

Ang Biblia 2011

Ug gitipigan ni David kining mga pulonga sa iyang kasingkasing, ug nahadlok siya pag-ayo kang Akis nga hari sa Gat.

Cross References

Genesis 26:7

Sa diha nga ang mga tawo niadtong dapita nangutana kaniya mahitungod sa iyang asawa, siya miingon, “Siya akong igsoon.” Kay nahadlok siya sa pag-ingon, “Siya akong asawa,” kay naghunahuna siya, “tingali ug patyon ako sa mga tawo niining dapita tungod kang Rebecca,” kay maanyag siya nga tan-awon.

Salmo 119:11

Gitipigan nako ang imong pulong sulod sa akong kasingkasing, aron dili ako makasala batok kanimo.

Salmo 34:4

Gipangita nako ang Ginoo, ug gitubag niya ako, ug giluwas niya ako gikan sa tanan nakong mga kahadlok.

Salmo 56:3

Sa panahon nga mahadlok ako, magsalig ako kanimo.

Lucas 2:19

Apan kining tanan gitipigan lamang ni Maria nga namalandong niini diha sa iyang kasingkasing.

Lucas 2:51

Unya siya milugsong uban kanila ug miadto sa Nazaret, ug siya nagmasinugtanon kanila. Ug kining tanan gitipigan sa iyang inahan sulod sa iyang kasingkasing.

1 Samuel 18:7

Ug ang mga babaye nag-awit sa usa ug usa samtang sila naglipay, “Si Saul nakapatay sa iyang mga linibo, ug si David sa iyang mga tagnapulo ka libo.”

1 Samuel 21:10

Unya si David mitindog ug mipalayo niadtong adlawa gikan kang Saul, ug miadto kang Akis nga hari sa Gat.

1 Samuel 21:13

Busa iyang giusab ang iyang mga kagawian sa ilang atubangan, ug nagpakaaron-ingnon siya nga buang diha sa mga kamot nila ug nagsulatsulat sa mga pultahan sa ganghaan ug nagpatabisay sa iyang laway diha sa iyang bungot.