1 Samuel 20:8

Ang Biblia 2011

Busa ayoha pagtagad ang imong sulugoon kay imong gidala ang imong sulugoon ngadto sa usa ka kasabotan sa Ginoo uban kanimo. Apan kon aduna akoy sala, pangunayi ako pagpatay, kay nganong dad-on pa man ako nimo ngadto sa imong amahan?”

Cross References

Genesis 24:49

Busa, karon kon ipakita ninyo ang pagkamaunongon ug pagkamatinud-anon ngadto sa akong agalon, sultihi ako ug kon dili, sultihi ako aron ako mosubay sa tuo o sa wala.”

Genesis 47:29

Ug sa nagkaduol na ang adlaw sa kamatayon ni Israel, iyang gitawag si Jose nga iyang anak ug giingnan, “Kon nakakaplag ako karon ug kahimuot sa imong mga mata, hangyoon ko ikaw, nga ibutang nimo ang imong kamot sa ilalom sa akong paa ug panaad nga magmaunongon ug magmatinud-anon ikaw kanako. Naghangyo ako kanimo nga ayaw ako ilubong sa Ehipto.

2 Samuel 14:32

Ug si Absalom mitubag kang Joab, “Tan-awa, gipasugoan ko ikaw, ‘Anhi dinhi, aron paadtoon ko ikaw ngadto sa hari aron mangutana, “Nganong mianhi ako gikan sa Gesur? Maayo alang kanako nga didto pa gihapon ako.” Busa karon paadtoa ako sa atubangan sa hari ug kon aduna akoy sala ipapatay ako niya.’ ”

1 Cronicas 12:17

Si David migula aron sa pagsugat kanila ug miingon, “Kon kamo nanganhi kanako sa pagpakighigala aron sa pagtabang kanako, ang akong kasingkasing mabugkos kaninyo apan kon kamo nanganhi sa pagbudhi kanako ngadto sa akong mga kaaway, bisan walay sala sa akong mga kamot, ang Dios sa atong mga katigulangan makakita unta ug maghukom kaninyo.”

Salmo 116:11

sa hinanali ako nakaingon, “Ang tanang tawo bakakon.”

Mga Panultihon 3:3

Ayaw itugot nga ang pagkamaunongon ug pagkamatinumanon mobiya kanimo; ihigot kini sa imong liog, isulat kini sa papan sa imong kasingkasing.

Mga Buhat 25:11

Apan kon nakasala man gani ako ug nakabuhat ug bisan unsa nga angay sa kamatayon, dili ako mobalibad sa pagpakamatay. Apan kon wala may hinungdan kining ilang mga sumbong batok kanako, walay bisan kinsa nga makahimo sa pagtugyan kanako ngadto kanila. Modangop ako kang Cesar.”

Josue 2:14

Ug ang mga tawo miingon kang Rahab, “Ang among mga kinabuhi alang kanimo kon dili nimo ipanulti kining among buluhaton, magmaluluy-on kami ug magmatinumanon kanimo sa diha nga ang Ginoo maghatag na kanamo sa yuta.”

Josue 22:22

“Ang Gamhanan, ang Dios, ang Ginoo! Ang Gamhanan, ang Dios, ang Ginoo! Siya nasayod! Ug pahibaloa ang Israel, kon kini tungod sa pagsukol o sa pagpakasala batok sa Ginoo, ayaw kami luwasa karong adlawa

Ruth 1:8

Apan si Naomi miingon sa iyang duha ka umagad nga babaye, “Lakaw, pamauli ang matag usa kaninyo ngadto sa balay sa iyang inahan. Hinaot unta nga maluoy ang Ginoo kaninyo, sama sa inyong gihimo niadtong nangamatay ug kanako.

1 Samuel 18:1

Unya sa pagkahuman ni David ug pakigsulti kang Saul, ang kalag ni Jonatan nahiusa sa kalag ni David ug si Jonatan nahigugma kaniya ingon sa iyang kaugalingong kalag.

1 Samuel 18:3

Unya si Jonatan naghimo ug usa ka kasabotan uban kang David tungod kay gihigugma niya siya sama sa iyang kaugalingong kalag.

1 Samuel 20:16

Busa si Jonatan naghimo ug kasabotan uban sa balay ni David, “Ang Ginoo manimalos unta sa mga kaway ni David.”

1 Samuel 20:9

Si Jonatan miingon, “Ipalayo kana kanimo. Kon nahibaloan pa lamang nako nga maoy gitinguha sa akong amahan ang kadaotan nga modangat kanimo, dili ko ba ikaw suginlan?”

1 Samuel 23:18

Unya silang duha naghimo ug kasabotan sa atubangan sa Ginoo, ug si David nagpabilin sa Hores ug si Jonatan mipauli.