1 Samuel 20:5

Ang Biblia 2011

Ug si David miingon kang Jonatan, “Ugma mao ang bag-ong subang sa bulan ug dili gayod nako pakyason ang pagtambong sa lamisa uban sa hari, apan palakta ako aron ako motago diha sa kapatagan hangtod sa gabii sa ikatulo nga adlaw.

Cross References

2 Mga Hari 4:23

Ug siya miingon, “Nganong moadto man ikaw kaniya niining adlawa? Dili man unta bag-ong bulan o adlaw nga igpapahulay.” Ug siya miingon, “Mahimo ra kana.”

Salmo 55:12

Kay dili kaaway ang nagtamay kanako, makaantos ako niini; dili usab kabatok nako ang nagpahitaas batok kanako, busa makatago ako gikan kaniya.

Salmo 81:3

Patingoga ang trumpeta sa bag-ong subang sa bulan, sa pagtakdol sa bulan, sa atong adlaw sa kasaulogan.

Mga Panultihon 22:3

Ang usa ka maalamon nga tawo makakita sa daotan ug magtago sa iyang kaugalingon; apan ang yano mopadayon ug mag-antos tungod niini.

Amos 8:5

nga nag-ingon, “Kanus-a pa ba matapos ang bag-ong subang sa bulan, aron kita makabaligya ug trigo? Ug ang adlaw nga igpapahulay, aron ikabaligya nato ang trigo, aron padiyotayon ang epha ug padak-on ang siklo, ug aron makalimbong kita pinaagi sa mga timbangan nga limbongan,

Numeros 10:10

Sa adlaw usab sa inyong kalipay ug sa inyong gitakda nga mga kasaulogan ug sa mga sinugdanan sa inyong mga bulan, patingoga ninyo ang mga trumpeta alang sa inyong mga halad nga sunogon ug alang sa mga inihaw ninyong mga halad sa pakigdait ug kini mahimo alang kaninyo nga handomanan sa atubangan sa inyong Dios. Ako mao ang Ginoo nga inyong Dios.”

Numeros 28:11

“Sa mga sinugdanan sa inyong mga bulan, kamo maghalad ug usa ka halad nga sunogon ngadto sa Ginoo: duha ka nating baka nga laki ug usa ka laking karnero, pito ka nating karnero nga laki nga usa ka tuig ang kagulangon nga walay tatsa,

Juan 8:59

Tungod niini namunit sila ug mga bato aron ilabay kaniya apan si Jesus mitago ug migula sa Templo.

Mga Buhat 17:14

Busa si Pablo gipagikan dayon sa mga kaigsoonan sa paglakaw padulong sa dagat, apan si Silas ug si Timoteo nagpabilin didto.

Mga Taga-Colosas 2:16

Busa ayaw tugoti nga adunay maghukom kaninyo mahitungod sa pagkaon ug pag-inom o mahitungod sa kasaulogan o sa bag-ong subang sa bulan o sa adlaw nga igpapahulay.

1 Samuel 19:2

Ug gisultihan ni Jonatan si David, “Si Saul nga akong amahan nagtinguha sa pagpatay kanimo, busa karon, pagbantay sa imong kaugalingon sa pagkabuntag, ug puyo sa usa ka tago nga dapit ug tagoa ang imong kaugalingon.

1 Samuel 20:18

Unya si Jonatan miingon kaniya, “Ugma mao ang bag-ong subang sa bulan, ug ikaw pangitaon tungod kay sa imong lingkoranan wala may maglingkod.

1 Samuel 20:19

Ug sa ikatulo nga adlaw, lugsong pagdali ug adto sa dapit nga imong gitagoan sa diha nga mahitabo kini ug pabilin tupad sa bato sa Esel.

1 Samuel 20:24

Busa si David mitago didto sa kapatagan ug sa diha nga miabot na ang bag-ong subang sa bulan, ang hari milingkod aron mokaon.

1 Samuel 20:27

Apan sa ikaduha nga adlaw, sa pagkaugma human sa bag-ong subang sa bulan, sa dapit ni David walay naglingkod, ug si Saul miingon kang Jonatan nga iyang anak, “Ngano nga ang anak ni Jesse wala man moanhi aron mokaon, kagahapon o karong adlawa?”

1 Samuel 20:4

Unya si Jonatan miingon kang David, “Bisan unsay imong isulti, buhaton ko kini alang kanimo.”

1 Samuel 20:6

Kon mangita gayod kanako ang imong amahan, ingna siya, ‘Si David naghangyo pag-ayo kanako nga siya tugotan pag-adto sa Betlehem nga iyang siyudad kay adunay tinuig nga paghalad didto alang sa tibuok panimalay!’