1 Samuel 20:41

Ang Biblia 2011

Sa paglakaw na sa bata, si David mibarog gikan sa usa ka dapit padulong sa habagatan ug mihapa sa yuta ug miyukbo sa makatulo ug naghinagkanay sila ug naghinilakay sila, apan labaw gayod ang paghilak ni David.

Cross References

Genesis 29:11

Unya si Jacob mihalok kang Raquel ug mihilak ug kusog.

Genesis 29:13

Sa pagkadungog ni Laban sa balita mahitungod kang Jacob, anak sa iyang igsoon nga babaye, midagan siya aron sa pagsugat kaniya. Ug gigakos niya si Jacob ug gihagkan ug gidala niya sa iyang balay. Ug si Jacob misugilon kang Laban sa tanan nga nahitabo.

Genesis 33:4

Apan si Esau midagan sa pagsugat kaniya ug migakos kaniya ug mipauraray sa iyang liog ug mihalok kaniya ug nanghilak sila.

Genesis 42:6

Niadtong panahona si Jose maoy gobernador sa yuta, siya mao ang nagbaligya sa pagkaon ngadto sa tanang katawhan sa yuta. Ug ang mga igsoong lalaki ni Jose nangabot, ug miyukbo atubangan kaniya ug ang ilang mga nawong paatubang sa yuta.

Genesis 43:28

Ug sila miingon, “Ang imong ulipon nga among amahan maayo man, buhi pa siya.” Ug miduko sila sa paghatag ug katahoran.

Genesis 45:15

Ug mihalok siya sa tanan niyang mga igsoon ug mihilak tungod kanila, ug human niini nakigsulti kaniya ang iyang mga igsoon.

2 Samuel 1:2

Ug sa ikatulo nga adlaw, dihay usa ka tawo nga miabot gikan sa kampo ni Saul, nga ang iyang mga bisti gisi ug may yuta sa ibabaw sa iyang ulo. Ug sa pag-abot niya didto kang David, mihapa siya sa yuta ug naghatag ug katahoran.

2 Samuel 1:26

Ako nasubo alang kanimo, igsoon ko nga Jonatan; maayo gayod ikaw kanako; ang imong gugma kanako talagsaon, labaw pa sa gugma sa mga babaye,

2 Samuel 14:4

Sa diha nga ang babaye sa Tekoa misulti na sa hari, mihapa siya sa yuta ug naghimo ug katahoran ug miingon, “Tabangi ako, O hari.”

2 Samuel 19:39

Busa ang tibuok katawhan mitabok sa Jordan ug ang hari mitabok ug ang hari mihalok kang Barsilai ug mipanalangin kaniya ug mipauli siya sa kaugalingon niyang balay.

2 Samuel 9:6

Unya si Mefiboset nga anak ni Jonatan nga anak ni Saul miadto kang David ug mihapa ug mihatag ug katahoran. Ug si David miingon, “Mefiboset!” Ug siya mitubag, “Ania ang imong ulipon!”

1 Mga Hari 1:16

Unya si Batseba miyukbo ug mihatag ug katahoran sa hari. Ug ang hari miingon, “Unsay imong tuyo?”

1 Mga Hari 1:23

Ug ilang gisultihan ang hari, “Ania si Natan nga propeta.” Ug sa pag-atubang niya sa hari, siya miyukbo sa atubangan sa hari ug ang iyang nawong paatubang sa yuta.

1 Mga Hari 1:31

Unya si Batseba miyukbo nga ang nawong paatubang sa yuta, ug naghatag ug katahoran sa hari, ug miingon, “Hinaot unta nga ang akong agalon nga si Hari David mabuhi hangtod sa kahangtoran!”

Mga Buhat 20:37

Silang tanan mihilak ug si Pablo ilang gigakos ug gihalokan

1 Samuel 10:1

Unya si Samuel mikuha ug usa ka gamayng tibod nga lana ug mibubo niini diha sa ulo ni Saul, ug mihalok kaniya ug miingon, “Wala ba magdihog kanimo ang Ginoo aron mahimong pangulo sa iyang katawhan nga Israel? Ikaw maghari ibabaw sa katawhan sa Ginoo ug magluwas kanila gikan sa mga kaaway nga naglibot kanila. Ug kini mao ang ilhanan kanimo nga ang Ginoo nagdihog kanimo nga mahimong pangulo ibabaw sa iyang panulundon.

1 Samuel 18:3

Unya si Jonatan naghimo ug usa ka kasabotan uban kang David tungod kay gihigugma niya siya sama sa iyang kaugalingong kalag.

1 Samuel 20:40

Ug gihatag ni Jonatan ang iyang mga hinagiban ngadto sa bata niya, ug miingon kaniya, “Lakaw ug dad-a kini ngadto sa siyudad.”

1 Samuel 24:9

Si David miingon kang Saul, “Nganong namati ikaw sa mga pulong sa mga tawo, nga nag-ingon, ‘Si David daotan ug tuyo kanimo’?

1 Samuel 25:23

Sa pagkakita ni Abigail kang David, siya nagdali ug nanaog sa iyang asno, ug mihapa sa atubangan ni David ug miyukbo ngadto sa yuta.