1 Samuel 20:27

Ang Biblia 2011

Apan sa ikaduha nga adlaw, sa pagkaugma human sa bag-ong subang sa bulan, sa dapit ni David walay naglingkod, ug si Saul miingon kang Jonatan nga iyang anak, “Ngano nga ang anak ni Jesse wala man moanhi aron mokaon, kagahapon o karong adlawa?”

Cross References

Mateo 13:55

Dili ba siya mao man ang anak sa panday? Dili ba ang iyang inahan ginganlan ug Maria? Ug dili ba ang iyang mga igsoong lalaki mao man sila si Santiago ug si Jose ug si Simon ug si Judas?

1 Pedro 2:4

Duol kamo kaniya, ang buhi nga bato, nga sinalikway sa mga tawo apan pinili sa Dios ug bililhon.

1 Samuel 18:11

Ug gilabay ni Saul ang bangkaw kay siya naghunahuna, “Akong tuhugon si David diha sa bungbong.” Apan si David milikay gikan kaniya sa makaduha.

1 Samuel 19:15

Unya nagpadala si Saul ug mga sinugo sa pagsusi kang David, nga nag-ingon, “Dad-a siya nganhi kanako nga anaa sa higdaanan, aron patyon nako siya.”

1 Samuel 20:26

Bisan pa niana si Saul walay gisulti bisan unsa niadtong adlawa, kay naghunahuna siya, “Adunay nahitabo kaniya, dili siya hinlo, sa pagkatinuod siya dili hinlo.”

1 Samuel 20:28

Ug mitubag si Jonatan kang Saul, “Si David mihangyo pag-ayo kanako nga moadto siya sa Betlehem.

1 Samuel 20:5

Ug si David miingon kang Jonatan, “Ugma mao ang bag-ong subang sa bulan ug dili gayod nako pakyason ang pagtambong sa lamisa uban sa hari, apan palakta ako aron ako motago diha sa kapatagan hangtod sa gabii sa ikatulo nga adlaw.

1 Samuel 25:10

Ug si Nabal mitubag sa mga sulugoon ni David, “Kinsa ba si David? Ug kinsa ba ang anak ni Jesse? Adunay daghang mga sulugoon karong mga adlawa nga mobulag gikan sa ilang mga agalon.