1 Samuel 20:21

Ang Biblia 2011

Unya ipadala nako ang bata, nga mag-ingon, ‘Lakaw, pangitaa ang mga udyong.’ Kon ako moingon sa bata, ‘Tan-awa, ang mga udyong anaa sa imong kilid, kuhaa kini,’ ikaw moduol kanako kay ingon nga ang Ginoo buhi, ikaw layo sa kakuyaw ug kadaot.

Cross References

Jeremias 12:16

Kon sila magkugi sa pagtuon sa mga pamaagi sa akong katawhan, sa pagpanumpa pinaagi sa akong ngalan, ‘Ingon nga ang Ginoo buhi,’ bisan ug ilang gitudloan ang akong katawhan sa pagpanumpa kang Baal, sila akong tukoron sa taliwala sa akong katawhan.

Jeremias 4:2

ug kon ikaw manumpa, ‘Ingon nga ang Ginoo buhi,’ diha sa kamatuoran, sa hustisya ug sa pagkamatarong, ang mga nasod magpanalangin sa ilang kaugalingon diha kaniya, ug diha kaniya sila magpasidungog.”

Jeremias 5:2

Bisan pa ug sila miingon, “Ingon nga ang Ginoo buhi,” sa gihapon sila nanumpa ug bakak.

Amos 8:14

Kadtong manumpa pinaagi kang Asima sa Samaria ug mag-ingon, ‘Ingon nga ang imong dios buhi, O Dan,’ ug, ‘Ingon nga ang pamaagi sa Beer-seba buhi,’ sila mangapukan ug dili na gayod makabangon pag-usab.”

1 Samuel 20:20

Ug ipana nako ang tulo ka udyong sa daplin niini, sama nga nagpana ako ug usa ka ig-onon.

1 Samuel 20:22

Apan kon ako moingon ngadto sa batan-on, ‘Tan-awa, ang mga udyong anaa sa unahan nimo,’ lakaw, kay ang Ginoo nagpalakaw kanimo.

1 Samuel 20:36

Ug giingnan niya ang iyang bata, “Dagan ug pangitaa ang udyong nga akong gipana.” Sa nagdagan ang bata iyang gipana ang usa ka udyong sa unahan niya.