1 Samuel 20:14

Ang Biblia 2011

Unya kon ako buhi pa, ipakita kanako ang matinud-anong gugma sa Ginoo aron ako dili mamatay.

Cross References

Genesis 40:14

Apan hinumdomi unya ako sa dihang maayo na ang imong kahimtang, ug naghangyo ako kanimo nga kaluy-an nimo ako ug isugilon nimo ako sa Paraon aron ako makuha gikan niining balaya.

2 Samuel 9:1

Unya si David miingon, “Aduna pa bay nahibilin sa balay ni Saul aron ako makapakita kaniya ug kaluoy tungod ug alang kang Jonathan?”

2 Samuel 9:3

Ug ang hari miingon, “Wala na bay bisan usa sa balay ni Saul, aron ako makapakita sa kaluoy sa Dios ngadto kaniya?” Ug si Ziba miingon sa hari, “Si Jonatan may usa pa ka anak nga lalaki nga piang ang mga tiil.”

1 Samuel 20:13

Apan kon ikalipay sa akong amahan ang pagbuhat ug daotan kanimo, ang Ginoo maghimo sa ingon kang Jonatan, ug labaw pa gani kon dili ako motug-an kanimo ug mopakagiw kanimo aron malayo ikaw sa kakuyaw. Ang Ginoo mag-uban unta kanimo ingon nga siya nag-uban kaniadto sa akong amahan.

1 Samuel 20:15

Ug ayaw bugtoa ang imong pagkamatinud-anon gikan sa akong balay hangtod sa kahangtoran, bisan sa diha nga puohon sa Ginoo ang tanang kaaway ni David gikan sa ibabaw sa yuta.”

1 Samuel 20:23

Ug mahitungod sa mga butang nga gisabotan nimo ug nako, ang Ginoo anaa sa taliwala kanimo ug kanako hangtod sa kahangtoran.”

1 Samuel 24:21

Busa panumpa kanako tungod sa Ginoo nga dili nimo puohon ang akong kaliwat sunod kanako ug dili papason ang akong ngalan sa balay sa akong amahan.”