1 Samuel 20:13

Ang Biblia 2011

Apan kon ikalipay sa akong amahan ang pagbuhat ug daotan kanimo, ang Ginoo maghimo sa ingon kang Jonatan, ug labaw pa gani kon dili ako motug-an kanimo ug mopakagiw kanimo aron malayo ikaw sa kakuyaw. Ang Ginoo mag-uban unta kanimo ingon nga siya nag-uban kaniadto sa akong amahan.

Cross References

2 Samuel 19:13

Ug ingna ninyo si Amasa, ‘Dili ba ikaw mao ang akong bukog ug akong unod? Ang Dios magbuhat sa ingon kanako ug labaw pa usab, kon ikaw dili magmando sa akong kasundalohan ingon nga puli ni Joab.’ ”

2 Samuel 3:35

Unya ang tibuok katawhan miadto aron sa pag-aghat kang David sa pagkaon ug pan samtang adlaw pa, apan si David nanumpa nga nag-ingon, “Ang Dios magbuhat sa ingon ngari kanako ug labaw pa kon ako motilaw ug pan o bisan unsa hangtod nga ang adlaw mosalop!”

2 Samuel 7:15

Apan ang akong gugmang walay paglubad dili mobulag kaniya, sama sa pagkuha nako niini gikan kang Saul nga akong gikuha gikan sa imong atubangan.

1 Mga Hari 1:37

Ingon nga ang Ginoo nag-uban sa akong agalong hari, mag-uban usab unta siya kang Solomon, ug maghimo sa iyang trono nga labaw ka gamhanan kay sa trono sa akong agalong hari nga si David.”

1 Mga Hari 19:2

Unya si Jesebel nagpadala ug usa ka sulugoon ngadto kang Elias nga nag-ingon, “Buhaton unta sa mga dios kanako, ug labaw pa usab, kon dili nako mahimo ang imong kinabuhi nga sama sa kinabuhi sa usa kanila sa pagkaugma ingon niining taknaa.”

1 Mga Hari 20:10

Ug si Ben-hadad nagsugo ngadto kaniya ug miingon, “Ang mga dios magbuhat sa ingon kanako ug labaw pa usab, kon ang abog sa Samaria makaigo sa mga hakop alang sa tanang katawhan nga nagsunod kanako.”

1 Cronicas 22:11

Karon, akong anak, ang Ginoo mag-uban kanimo aron molampos ikaw sa pagtukod sa balay sa Ginoo nga imong Dios sumala sa iyang gisulti mahitungod kanimo.

1 Cronicas 22:16

sa bulawan, plata, bronsi ug puthaw. Pangandam ug pagbuhat na! Ang Ginoo mag-uban kanimo!”

Mateo 28:20

nga magtudlo kanila sa pagtuman sa tanan nga akong gisugo kaninyo, ug tan-awa, ako mag-uban kaninyo kanunay hangtod sa kataposan sa kapanahonan.”

Mga Taga-Filipos 4:9

Buhata ninyo ang inyong nakat-onan ug nadawat ug nadungog ug nakita kanako ug ang Dios sa kalinaw mag-uban kaninyo.

Josue 1:5

Walay tawo nga makabarog batok kanimo sa tanang mga adlaw sa imong kinabuhi, ingon nga ako nag-uban kang Moises, mag-uban usab ako kanimo. Dili ko ikaw pakyason o biyaan.

Ruth 1:17

Asa ikaw mamatay adto ako mamatay, ug adto ako ilubong. Magbuhat unta sa ingon ang Ginoo kanako ug labaw pa usab, kon ang kamatayon magbulag kanako gikan kanimo!”

1 Samuel 10:7

Unya sa diha nga kining mga ilhanan moabot na kanimo, buhata ang bisan unsa nga makaplagan sa imong kamot nga buhaton, kay ang Dios nag-uban kanimo.

1 Samuel 14:47

Sa diha nga si Saul nakadawat na sa gingharian sa Israel, nakigbatok siya sa tanan niyang mga kaaway nga anaa sa matag kilid, batok sa Moab, batok sa mga Amonihanon, batok sa Edom, batok sa mga hari sa Zoba ug batok sa mga Filistihanon; bisan asa siya paingon, iyang gibutang sila sa pagkaalaot.

1 Samuel 17:37

Ug si David miingon, “Ang Ginoo nga nagluwas kanako gikan sa tiil sa liyon ug gikan sa tiil sa oso, siya magluwas kanako gikan sa kamot niining Filistihanon.” Ug si Saul miingon kang David, “Lakaw, ug ang Ginoo mag-uban kanimo!”

1 Samuel 18:12

Si Saul nahadlok kang David tungod kay ang Ginoo nag-uban kaniya ug mibiya gikan kang Saul.

1 Samuel 19:3

Ug mogula ako ug motindog tupad sa akong amahan sa kapatagan diin atua ikaw, ug makigsulti ako uban sa akong amahan mahitungod kanimo ug kon aduna akoy masayran, akong isugilon kanimo.”

1 Samuel 20:12

Si Jonatan miingon kang David, “Pinaagi sa Ginoo, ang Dios sa Israel, sa diha nga masuta nako ang akong amahan sa ingon niining taknaa ugma o sa ikatulo nga adlaw, kon siya maayo kang David, dili ba diay ako magpadala nganhi ug itug-an kini kanimo?

1 Samuel 20:14

Unya kon ako buhi pa, ipakita kanako ang matinud-anong gugma sa Ginoo aron ako dili mamatay.

1 Samuel 25:22

Ang Dios maghimo niini ngadto kang David, ug labaw pa usab, kon sa pagkabuntag, may ibilin ako sa tanan niyang kabtangan bisan usa ka lalaki.”

1 Samuel 3:17

Ug si Eli miingon, “Unsa man ang gisulti niya kanimo? Ayaw kana ililong kanako. Ang Dios maghimo unta sa ingon nganha kanimo ug labi pa gayod usab kon ikaw maglilong sa bisan unsa gikan kanako sa tanang mga butang nga iyang gisulti kanimo.”