1 Samuel 20:12

Ang Biblia 2011

Si Jonatan miingon kang David, “Pinaagi sa Ginoo, ang Dios sa Israel, sa diha nga masuta nako ang akong amahan sa ingon niining taknaa ugma o sa ikatulo nga adlaw, kon siya maayo kang David, dili ba diay ako magpadala nganhi ug itug-an kini kanimo?

Cross References

2 Samuel 21:7

Apan ang hari mipalingkawas kang Mefiboset nga anak ni Jonatan nga anak ni Saul, tungod sa panumpa sa Ginoo nga diha sa taliwala nila, taliwala ni David ug ni Jonatan nga anak ni Saul.

Job 31:4

Wala ba siya makakita sa akong mga dalan ug mag-ihap sa tanan nakong mga lakang?

Salmo 17:3

Kon imong sulayan ang akong kasingkasing, kon imo akong duawon sa kagabhion, kon sulayan nimo ako, dili ikaw makakaplag ug pagkadaotan dinhi kanako; ang akong baba dili maglapas.

Mga Panultihon 20:5

Ang katuyoan diha sa kasingkasing sa tawo sama sa lawom nga tubig, apan ang usa ka tawo nga may pagpanabot magkuha niini.

Josue 22:22

“Ang Gamhanan, ang Dios, ang Ginoo! Ang Gamhanan, ang Dios, ang Ginoo! Siya nasayod! Ug pahibaloa ang Israel, kon kini tungod sa pagsukol o sa pagpakasala batok sa Ginoo, ayaw kami luwasa karong adlawa

1 Samuel 20:11

Ug si Jonatan miingon kang David, “Dali, mangadto kita sa kapatagan.” Busa silang duha nangadto sa kapatagan.

1 Samuel 20:13

Apan kon ikalipay sa akong amahan ang pagbuhat ug daotan kanimo, ang Ginoo maghimo sa ingon kang Jonatan, ug labaw pa gani kon dili ako motug-an kanimo ug mopakagiw kanimo aron malayo ikaw sa kakuyaw. Ang Ginoo mag-uban unta kanimo ingon nga siya nag-uban kaniadto sa akong amahan.

1 Samuel 23:18

Unya silang duha naghimo ug kasabotan sa atubangan sa Ginoo, ug si David nagpabilin sa Hores ug si Jonatan mipauli.